هــام لكل رومـــاوي..

[NAWAF10]

السلام عليكم ورحمة الله وبركاته..





اول شئ خلونا نتناقش عن حال روما المحير ..
فعلا محير..
احسبوها معاي..
نادي يفوز على سبورتنج بعدين على ميلان بالسان سيرو بعدين ضد لازيو..
بعدين فجأه يتعادل مع امبولي وكان متقدم 2 صفر..
من خلال هـ المعطيات وش شفتوا..

اول شئ ان روما فريق غير قابل للمدح ابدا.. كل مانقول الفريق تعدل يسوء الحال من جديد..
واعتقد السبب الغرور مثل بداية الموسم كان كل العالم يتكلم عن روما..

ثاني شئ اتمنى من سباليتي ايجاد وتكوين النفس الطويل للفريق..
حنا مانبي نفوز ضد الانتر وميلان واليوفي لا .. الاهم هم فرق المؤخره ياسبال..

كل ما تفائلنا رجعنا نتشائم مره ثانيه..

صدقوني صدقوني صدقوني..
الدوري الايطالي اسهل من جميع الدوريات الاوربيه من ناحية الفرق الصغيره..
شوف اليوفي جاي من الدرجه الثانيه وشوف نتائجه..
دوري سهل جدا ..
الفرق اللي فيه قويه وضعيفه مافي وسط..

الى متى ياروما..

اعتقد بل اجزم .. وابصم بالعشرين..
لو روما ماحقق الدوري هـ السنه لن يحققه الا بعد ما تحج البقر على قرونها..

الفرصه مواتيه لك ياسباليتي..
لاتضيعها..
الانتر تعادل مع اليوفي..
يعني نفذت بجلدكـ ..
ننسى اللي راح ونفكر بالقادم..

نقاط مهمه..

* باروسو بالله من اين اتى هذا الشخص..هل هذا طموح فريق ينافس على الابطال والكالتشيو..

* اتمنى من كونتي او سبال او مساعده او اي شخص قريب من روما بأن يفحص المواد الكيميائيه الموجوه على خط المرمى انا متأكد انها تسبب حساسيه لدوني مما يجعله يتقدم الى الامام ..اتمنى الانتباه من هـ النقطه..(( جننتنا يادوني..)) لكن ماعليه متعودين الروماويه على ذلك كيف ننسى بيلتزولي.. لكنك تضل حارس كبير بس لو تركز طول المباراة..

*توتي , دي روسي , اكويلاني , تادي .. اتمنى رجوعكم على احر من الجمر..
والله مايصبرني على الفريق الا انتم..

*فوزي الظاهر كبر راسه بعد المدح اللي جاه.. لكن ان شاء الله يعوضها..
بس فعلا غريبه كان نجمكم المفضل هو بعد ابداعه بالمباريات الثلاث بعدين فجأه قلبتوا عليه..
والله غريبـــــه..

* اتمنى مره اخرى ان يزرع سباليتي بالفريق روح النفس الطويل.. ملينا من المتعه مانبي متعه.. نبي فوز..


*ماعليكم تفائلو بالرغم اني ماني متفائل ما ادري ليـه..
بس ان شاء الله بعودة نجوم الفريق يتعدل الحال..

اه ياناس والله روما بدون توتي ماتسوى..
حتى لما فزنا على الميلان ولازيو احس شئ ناقص..
كيف راح نشجع الفريق من بعدكـ..
هذا السؤال كل ماتذكرته انساه بسرعه ولا افكر فيه حتى..

نــNawafـــوافــ..

[ســــوســـــو رومـــــا]

كلامك100/100

[F.T10]

للأسف نتيجه سلبيه لاكن !! اداء ايجابي بعد الروتيشن او اللعب بفريق الرديف !! والهم ان شفنا اللاعبين و يا جماعه فوزي فيه مشكله واحده هو لاعب لمسه اخيره يعني لاحضو هالشي !! اما لازيو سجل بلمسه .. اما ميلان سجل بلمسه و امام سبورتنج سجل هدف جميل لاكن الكل يدري ان هدف ماراح يتكرر مره اخرى و على كل حال فأنا اشوف انه لاعب كبير و له مستقبل ... يمكن من احسن لاعبين العالم في حجز الكره !!! لاعب عنده مهاره سريع يجيد التحرك جسمه قوي و هو طويل !!! يعني مادري ليش كرهتوه ترا ماعمل شيء غلط !! صحيح ضيع 4 فرص في آخر مبارات و كلها فرص سهله !! بس كم لاعب بكم فريق صغير يضيع !! ميلان الي عنده نجوم العالم ماقدر يسجل في اكثر من 4 جولات في الدوري !! اهم شي تأسيس اللاعبين بشكل ايجابي لمواجهت سبورتنج لأن هذه هي بطاقت عبورنا للدور الثاني ... بدونها راح يخترب كل شي في روما من معنويات اللاعبين و غيره !!! و الله يستر !! و عندي تعليق على كلامك يالاخو !! روما ماتقدر تلعب لعب مافيه متعه !! مستحيل !! اخوي لو تلاحض كل لاعب في روما فكره هجومي حتى جوان و ميكسيس .. تونيتو بالاصل لاعب نص !! يعني ماتقدر تعلب هاللاعبين في طريقه دفاعيه لمدة 90 دقيقه و لعب على فرص المرتده !! ماتقدر ! روما فريق يلعب بكراة ارضيه لأن ماعندنا لاعبين اقويه في الكراة العاليه !! در روسي و ديفد بيزارو !! ديروسي لاعب يجيد الدفاع لاكن بالهجوم يسوي شغلات خياليه !!! باصات بدون لايطالع و غيره !!! و بيزارو اكثر لاعب يحوس في الملعب !! هههه يعني لاعب ماتقدر تلعبه بدور دفاعي ل90 دقيقه لأنه يحب تمرير الكراة مايحب يلحقها جوان و ميكسيس نفس الحاله !! والمهم بس حبيت اوضح هالنقاط

[NAWAF10]

سوسو روما ..
F.T10 ..
شكرا على مروركم..

للأسف نتيجه سلبيه لاكن !! اداء ايجابي بعد الروتيشن او اللعب بفريق الرديف !! والهم ان شفنا اللاعبين و يا جماعه فوزي فيه مشكله واحده هو لاعب لمسه اخيره يعني لاحضو هالشي !! اما لازيو سجل بلمسه .. اما ميلان سجل بلمسه و امام سبورتنج سجل هدف جميل لاكن الكل يدري ان هدف ماراح يتكرر مره اخرى و على كل حال فأنا اشوف انه لاعب كبير و له مستقبل ... يمكن من احسن لاعبين العالم في حجز الكره !!! لاعب عنده مهاره سريع يجيد التحرك جسمه قوي و هو طويل !!! يعني مادري ليش كرهتوه ترا ماعمل شيء غلط !! صحيح ضيع 4 فرص في آخر مبارات و كلها فرص سهله !! بس كم لاعب بكم فريق صغير يضيع !! ميلان الي عنده نجوم العالم ماقدر يسجل في اكثر من 4 جولات في الدوري !! اهم شي تأسيس اللاعبين بشكل ايجابي لمواجهت سبورتنج لأن هذه هي بطاقت عبورنا للدور الثاني ... بدونها راح يخترب كل شي في روما من معنويات اللاعبين و غيره !!! و الله يستر !! و عندي تعليق على كلامك يالاخو !! روما ماتقدر تلعب لعب مافيه متعه !! مستحيل !! اخوي لو تلاحض كل لاعب في روما فكره هجومي حتى جوان و ميكسيس .. تونيتو بالاصل لاعب نص !! يعني ماتقدر تعلب هاللاعبين في طريقه دفاعيه لمدة 90 دقيقه و لعب على فرص المرتده !! ماتقدر ! روما فريق يلعب بكراة ارضيه لأن ماعندنا لاعبين اقويه في الكراة العاليه !! در روسي و ديفد بيزارو !! ديروسي لاعب يجيد الدفاع لاكن بالهجوم يسوي شغلات خياليه !!! باصات بدون لايطالع و غيره !!! و بيزارو اكثر لاعب يحوس في الملعب !! هههه يعني لاعب ماتقدر تلعبه بدور دفاعي ل90 دقيقه لأنه يحب تمرير الكراة مايحب يلحقها جوان و ميكسيس نفس الحاله !! والمهم بس حبيت اوضح هالنقاط

اخوي انا ماقلت نلعب ونصك دفاع ومانلعب بمتعه.. لا..
انا اللي ابي اقوله لانستعرض ونستهبل على حساب الفريق..
يعني لاتزود الشئ عن حده..
لاحظنا بالمباراة كيف انواع الاستعراض..
حتى بعد ان سجل امبولي الهدف الاول واصل الفريق الاستعراض..
يا اخي العب بس بعقلانيه..
قمة الاستهتار اليوم بلاعبين امبولي..
اعتقد الكل لاحظ هـ الشئ.. استهتار ولا مبالاة..
اذا كنت تريد الكالتشيو يجب التركيز في كل ثانيه تلعبهــا..
انا والله ماهمتني المباراة ..
لأنه بالامكان اللحاق بالانتر.. مع تذبذب مستواه..
لكن القهر ان المباراة بين ايديك..
يعني امبولي انتهى خلاص فتح بابه وقالك حياك سجل لين تشبع..
لكن يالله ان شاء الله خيــره..
اتمنى وضحت الفكره لكـ اخوي..
ومشكور على مروركـ مره اخرى..

[شارب كرك]

أتفق معك اخوي نواف 100% ,,,,
بس لو روما فايز اليوم كان بيكون فيه حماس لروح اللاعبين ,,,
وانشاء الله يقدم مستويات جيده ,,,

[راين]

والله قمه في المهزله توقعت المبارة تنتهي قبل ما تبدا الفريق لا يذكر في الدوري


يعني على حسابنا صار له صيت وارتفعت اعلامه ...

ليش يعني ...

اعتقد ان اختفاء الكبيتانوا سبب في استهتار بعض اللاعبين ...

فوووزي و دوني ...

ابي حل للمعادله هدي ؟

حارس وهجوم مضيعين

هجوم يضيع يا ناس يا عالم احنا نعرف كورة مو معقول الضياع هدا كله من مهاجم اعذروني لازم يتعلم ...

الحارس انتا حارس ليه تتقدم مسوي ذكي ياخي اقعد في بابك باقي ما تعلمت من مباراة المان طيب الى متى ننتظرك لتتعلم ...؟


سباليتي مدرب كبير يارب يتعلم من الاخطاء الي ارتكبها في التغير ...

يسلموو

[الذئب *Aquilani*]

انا معاااااااااااك

[moon 18]

انا مع الجميع كلام جداً رائع

[TOTTI-TOTTI]

رومــا يحتاج إلى محور دفاعي (( جامد ))

أمثال غاتوزو أو إمبروسيني أو ماكيليلي أو فييرا .

العيب ليس من الدفاع ، لأن هجمة الفريق المنافسة وصلت

لحد النهاية وهو الدفاع ، نريد أن (((( نبتر )))) الهجمة من بدايتها

من محور الدفاع ، من لاعب (((( يكسر )))) هجمات الخصم .

ليس من المعقول أن نلعب بمحورين هجوميين ، وحتى لو كان

دي روسي متراجع ، لكن دي روسي لا يؤدي المهام الدفاعية

بالمستوى إللي ممكن يقدمه المحاور الدفاعية الأصيلة في الفرق

الأخرى مثل الأسماء التي ذكرت ، دي روسي المفترض أن يوكل له

مهام المحور المندفع للامام وموزع الكرات للهجوم ، وأخر بجانبه

يؤدي مهام دفاعية بحته ...... .

أتمنى التعاقد مع محور ((( وحش ))) في يناير :)

غراتسي :)

[.: TOTTI :.]

اي والله ::

[man2010]

كلام ممتاز جدا

[حساس بس محتاس]

هات يدك على يدي انا معاك بكل اللي قلته

[DoOoDi]

كلام حلو أنا معاك في كل اللي قلته
الفرق الصغيره أهم من الفرق الكبيره شو الفايده انفوز ع الكبار و ما ناخذ الدوري
لازم الفريق يركز في كل المباريات و يلعب على انها نهائي الكاس

[ValentineS]

كلام 100% انا معاك بهذا شيء

[ŢīŅŷŤσŐŢ]

روما في موسم 2001\2000 فازت بالدوري ...

لكنها ما قدرت تفوز على الفرق الكبيرة مثل الميلان و اليوفي ...

لكنها لم تضيع اي نقطة أمام الفرق الصغيرة ...

و كل هذا كان بفضل فابيو كابيللو ... المدرب المتخصص في الفوز ببطولات الدوري المحلية فقط ...

و لم يستطع الى الآن الفوز بالشامبيونز ليج ... لأنه سياسته هي عدم اهدار النقاط و الفوز بكل المباريات المضمونه حسابيا ...

هذا الي ينقص روما بهالفترة ... لازم يقوم سباليتي بدور الطبيب النفسي و يكون أكثر قسوة مع اللاعبين مثل كابيللو ...

تحياتي للجميع ...

[NAWAF10]

شكــرا على تفاعلكم ..