صفحة جديدة 4
:: الرئيسية :: :: المنتديات :: :: التسجيل :: :: التحكم :: :: البحث :: :: اتصل بنا ::
 
:: RSS :: :: تويتر الشبكة :: :: صفحة الفيس بوك للشبكة ::


العودة   R4E منتديات شبكة روما إلى الأبد > الأقسام العامه > المنتدى العام > أرشيف التميز والإبداع

أرشيف التميز والإبداع : عرض المواضيع المميزه في المنتدى العام

 
 
LinkBack أدوات الموضوع انواع عرض الموضوع
كُتب : [ 18-04-2004 - 11:17 AM ]
 رقم المشاركة : ( 1 )
ذئب مخضرم
رقم العضوية : 350
تاريخ التسجيل : Oct 2003
الدولة :
العمر :
الجنس :
النادي : ميلازيــالي إلى الأبــــد
مكان الإقامة : الآرجنتيـن
عدد المشاركات : 978
عدد النقاط : 10
قوة الترشيح : السنعوسي يمشي على خطى ثابته
الأوسمـة
بيانات الإتصال
آخر المواضيع

السنعوسي غير متواجد حالياً

 

السنعوسي و .... يخترقون منتدى روما ويكشفون المستور



[align=center]بسم الله الرحمن الرحيم

INTRODUCTION

في كل منتدى لابد أن يكون هناك قسم للمشرفين والمراقبين يتناولون فيه شتى المواضيع المتعلقة بالمنتدى بعيداً عن أعين الاعضـاء .. في هذا الموضوع حاولت ان اطرح شكل المنتدىبـأسلوب جديد بعيد كل البعد عن التقليد والتكرار متـأملاً ان يحوز الموضوع على رضاكم وإعجابكم .. في البداية اقدم إعتذاري المسبق لأي شخص حس إني غلطت عليه في الموضوع رغم أنني والله يشهد اخذت الامر من باب المزح والميانه مع الكل .. ومع ذلك أكرر إعتذاري له ولكم جميعاً ..

في يوم ما من الايّــام كما جرت العاده ذهبت صبــاحـاً إلى المنتدى لأشــاهد الجديد من المواضيع واشاهد الشباب واسولف معهم .. لكن كان هذا اليوم غير الايام .. كان غريب في كل شيء .. غريب منذ نسمـات الصبـاح الاولى .. وكان يوم غير عادي .. لذلك حبيتكم تعيشونه معي ..


المغــــــــــامرة


كما هي العاده عندما نحضر للمنتدى لابد ان نقوم بتسجيل دخول في بوابة المنتدى والا لن يُسمح لنا بزيارة المنتدى ..
عملت تسجيل دخول ودخلت للمنتدى .. كانت السـاعه تشير إلى السـابعه صباحاً وكان في المنتدى الكثير من الشباب عرفت ذلك من خلال مواقف السيارات اللتي إمتـلأت تقريباً ولم أجد موقفاً لسيارتي إلا في آخر المواقف !!

دخلت للمنتدى وتوجهت مباشرة إلى منتدى الكالشيو .. قلت يمكن ألقى " مهند الميلان " و أصبح عليه .. لكن مالقيته قالوا لي طلع راح يجيب فطور للشباب .. لقيت san siro و مارتينيز 30 و بعض الشباب .. قعدت معهم .. قعدنا نسولف عن الكالشيو .. عن ميلان وعن لاتسيو وعن اليوفي ووو .. طالت السوالف ولا جا " مهند " !! قلت للشباب انا بروح للكافتيريا افطر اللي بيخاويني حيّـاه الله .. قام san siro قال : بروح معك .. مشينا للكافتيريا أفطرنا وشربنا نسكافيه بالحليب .. ورجعنا للمنتدى .. انا قلت له وش رأيك نميّـل على قسم الرياضه العامه نشوف الشباب ونصبح عليهم .. قال يالله خلنا نروح لهم ..

وحنا في الطريق شفنا قسم الاستاد الاولمبي مفتوح وفيه زحمه .. قلت خير إن شـاء الله وش السـالفه ؟؟ قال لا عادي اليوم مباراة روما لازم تشوف الزحمه .. دخلنا للقسم لقينا عبدالمنعم مدلل معاه أوراق وزحمه .. صبحنا عليه وقعدنا نسولف معه عن مباراة روما الليله .. جانا الشخصيّة توتي وسلم علينا وقعد معنا يسولف شوي .. استـأذنا منهم قلنا بنمشي قالوا وين بدري ؟ ماتقهويتوا ؟ قلنا والله تونا جايين من الكافتيريا وشاربين هناك ..

طلعنا من عندهم مرينا على قسم الرياضه العامه مالقينا فيه الا crespo_21 قاعد يقرأ في كم موضوع .. صبحنا عليه وقعدنا نسولف معه شوي و استـأذنا منه لانه مبين انه مشغول ..

طلعت انا و san siro قلت له وين نرووح ؟ قال وش رأيك نمر قسم الصور والأهداف نشوف وش الجديد عندهم ؟ قلت له يالله .. دخلنا للقسم مالقينا أحد خير شر !! دورنا على الجديد مالقينا شي !!

طلعنا .. قلت له وين تبينا نروح ؟ قال خلنا نمر القسم العام .. نشوف وش آخر الاخبـار ؟؟ قلت له يالله .. دخلنا للقسم العام .. لقينا مونتيللا _49 مرتز قدامنا .. سلمنا عليه وقعدنا ندردش معه ونضحك .. شفنا آخر المواضيع .. شفنا مسـابقة مونتيللا وين وصلت ؟
قلت له ليش تحطني مع قيصر روما ؟
قال يابن الحلال وسع صدرك تراك فزت!!
انا سكت مدري وش اقول له ؟ قلت لا تحطني معه مرة ثانيه ؟
قال تم .. لقيت موضوع الاسئله جاوبنا على كم سؤال انا و san siro واستهبلنا شوي على الموجودين .. حسيت أنا زودناها شوي .. قلت لخويي وش رأيك ننحاش قبل لا يزعلون علينا ? قال يالله ..

طلعنا مرينا على المنتدى الالكتروني مالقينا فيه أحد .. خرجنا منه .. شفنا قسم الشكــاوي والاقتراحات .. والا مافيه جديد ..

وحنا راجعين لقسم الكالشيو .. شفنا بالطريق " ياسر عبدالله " يمشي في اتجاه ما يدري وش يبي بين الاتجاهات الاربعه .. قال san siro : الظاهر خوينا للان نايم !! ياسر .. ياسر ..
قلت له : اسكت لا يسمعك .. قال : وش فيك ؟
قلت له : شف الرجال يمشي ويتلفت الظاهر وراه بلا !! اصبر خلنا وراه لين نشوف وش تاليها معاه !!
ياسر كان يمشي ويتلفت يمين ويسار كـأنه خايف من شي !! وصل عند لوحة تشكيلية عليها رسمه حلوه لشعار روما .. وقف شوي طالع يمين ويسار .. ماشاف أحد حرك اللوحه حركتين يمين .. حركه يسار .. ظغط عليها ظغطتين .. وفجــأه إفتح معه باب سري بجنب اللوحه دخل وقفل الباب وراه ..

انا طرى في بالي موال .. إلتفت لـsan siro قلت له : في بالي شي !! قال : انت تفكر في اللي أنا أفكر فيه !!
قلت له : إيــه ? .. قال : تبينا نسويها واللي يصير يصير !! قلت له : قدام ..

تلفتنا حولنا والا مافيه أحد .. مشينا لين وصلنا للوحه .. قلت له وش قلت ؟ قال يالله لا تخاف !! حركنا اللوحه مرتين يمين ومره يسار وظغطنا عليها ظغطتين .. انفتح الباب .. وقفنا مترددين .. ندخل والا نرجع ؟؟ ندخل والا نرجع ؟؟ وحنا نفكر سمعنا أصوات جايه من ورانا .. خفنا ودخلنا على طوول وسكرنا الباب ورانا .. والا حنا في عالم ثاني .. دنيــا ثانيه .. اقســام هنا وهناك .. غرف مقفله و غرف مفتوحه .. لقينا قدامنا دورة مياه دخلنا فيها واستخبينا لين يدخلون اللي ورانا وبعدها نقرر وش بنسـوي .. فتحنا الباب شوي نطالع منه ..

مرت دقائق ودقائق ولا احد وصل .. شوي الا **Battigol** و Batty my world داخلين معهم زحمة أوراق .. و يسولفون عن مشرف مدري ايش ما كان صوتهم واضح .. راحوا قدام لين دخلوا في قسم من الاقســام ..و طلعت انا و san siro لما تـأكدنا أنه ما فيه احد ,, قال وش السواة ؟ قلت له يعني وش تبينا نسوي ؟ نصارخ عشان يكشفونها ويطردونا من المنتدى ؟ والا ايش ؟
قال : هذا الظاهر قسم المشرفين او شي زي كذا ؟ قلت له : لا تكفى يا شيخ من وين جايب هالذكـاء ما شاء الله عليك .. ناظرني بطرف عين مثل قولة : أركد لا اتوطى في بطنك .. بلعت العافية وسكت
قلت له وش رايك نــآخذ جولة في القسم نكتشف بلاوي المشرفين @@ قال يالله حنا وش ورانا !!


0

0

0



ومن هنا بدأت المغامره .. اول مكتب صادفناه كان مكتوب على بابه " مشرفين منتدى الاستاد الاولمبي " فتحنا الباب بشويش والا فيه مكتبين واحد لـ Capello_Eyes والثاني لـ2TI .. كل واحد منهم قدامه كم ملف قاعد يقلب فيهم ..
كابيللو يقول لتوتي : اليوم " بانوتشي " بيلعب ؟؟
توتي : لا مانسيني موجود ليش ؟
كابيللو: يـاخوي هذا عضو كاتب ان بانوتشي اساسي الليله @@
توتي : لا ما عليك حرر مشاركته بس .. @@


san siro ابتسم قال مشينا قلت له يالله .. مرينا المكتب المقابل .. كان مكتب مشرفي الكالشيو .. كان فيه طبعا مكاتب ياسر عبدالله و ][batistuta][ ,, كان ياسر لحاله لأن باتيستوتا في إجـازه ..

ياسر كان يسولف ويقول : ميلان فاز صار .. نقطه ولاتسيو فاز وصار .. نقطه وو والانتر خسر يا حسره .. انا و san siro قلنا الرجال يسولف مع من ؟ فتحنا الباب اكثر والا مافيه احد .. قلنا الرجال انهبل .. يمكن حالة الانتر أثرت عليه .. واكتشفنا آخر شي انه يقرأ موضوع من مواضيع قسم الكالشيو .. ضحكنا وقفلنا الباب ..


لقينا مكتب مشرفين الرياضه العامـه .. والا الايطالي قاعد يسولف مع ديلفيكو_24 عن مباراة ديبورتيفو وبلد الوليد في الدوري الاسباني !! قعدنا نتنصت على كلامهم شوي ..
ديلفيكو يقول للإيطالي :وش اخر أخبـار الدوري التونسي @@
الايطالي: وانا وش دراني ؟؟ البطولات العربيه مسئوليتك انا عالمي وبس ؟؟
كبر النقاش بينهم وبدا صوتهم يعلى وكل واحد يلوم الثاني وفجـأه وقفوا الاثنين قلت بس الحين بتقبس " تقبس = تبدأ " المعركه بينهم .. قلت وش السواة .. شوي والا و san siro داخل عليهم وهو يقول بصوت عالي : يا شباب وش فيكم ما صار شي كلكم اخوان وكل واحد يصلح سيّـارته !! ..
هم وقفوا مندهشين يطالعون لبعض مستغربين وش جاب هالعضو هنا ؟؟
دخلت انا وراه وسحبته وانا ابتسم لهم .. قلت سوري شباب الاخ غلطان بالعنوان ..


طلعنا وحنا طالعين سمعت الايطالي يقول: هذي مو كنها خشّـة السنعوسي وسانسبرو !!
ديلفيكيو: الا هم هذولي وش جابهم هنا !!
الايطالي : مدري والله !! تصدق يمكن مشرفين توهم متعينين هنا !! قال صحيح .. والا وشلون بيدخلون هنا أصلاًً ..

المهم كل منهم رجع اعتذر للثاني ور جعوا عسل على قشطه مثل اول ? .. طالعت في san siro والا هو يبتسم وفي عيونه دمعه :mad2: ..
قلت وش فيك ؟ شايف فلم لنجلاء حسني مع شكري أباظه انت وخشتك ؟؟
قال : لا والله بس انبسطت لهم ؟ ..
قلت: الله لا يبارك في عدوك بغيت تفضحنا وتجيب فينا العيد @@ ..
قال : معليش بس تحمست يوم شفتهم ما بغيتهم يزعلون من بعض !!
قلت: انت من قلب تتكلم ؟؟ فيه احد يدخل هالمنتدى ويعرف الزعل !! مستحيل يا اخوي الزعل هنا ممنوع والعتب مرفوع والرزق على الله ..
طالع فيني وقال : شكلك كنت تشتغل في مطعم قبل كذا
قلت:أقول خلنا نروح لمكت حميدو اكيد الحفله هناك ..


فتحنا الباب .. والا مكتب حميدو فاضي @@ قلت لايكون الاخ طلع راح للمنتدى العام !! لانه دايم يرتز هناك .. وحنا طالعين والا نسمع صوته يكلم net_42002 عن موضوع منزله احد الاعضـاء .. عاد تعالوا اسمعوا حميدو يتكلم ما يجمّع ولا تجي معه جمله صحيحه على بعضها .. وانا متـأكد ان net_42002 كلها كم يوم ويطلب نقله لمكتب لحاله ؟ ..
حميدو : الحين من نزل موضوع زيدان هنا ؟؟
net : أي موضوع ؟
حميدو : موضوع زيدان يا عم وش فيك ؟؟
net : ايه أي موضوع ؟؟
حميدو : الموضوع اللي فيه زيدان و رونالدو في مباراة المانيا و اليابان
net : زيادن والمانيا ؟؟ ما تجي ..
حميدو : من اللي بتجي ؟؟
net : لا اقول موضوعك ما تركب زيادن وألمانيا ؟؟
حميدو : إيه المانيا أعرفها اللي صارت رئيسة الامم المتحده عام 82

انا وسان سيرو تقطعنا ضحك .. الله يعينك يا net_42002 على ما أبتليت به ؟؟


تفقعنا من الضحك قلت لخويي وش رايك نمشي قبل لا ينكشف امرنا .. خلاص اللي شفناه كفايه !! قال لا يا عم .. حنا دخلنا هنا لا زم نشوف كل شي @@ قلت اخاف ينكشف امرنا .. قال ما عليك .. امش وراي ولا تخاف .. قلت والله الخوف منك ومن افكارك .. انا وش اللي خلاني اخذك معي الصبح على الفطور ؟؟ قال : القراده ؟ قلت أي والله صدقت ؟


جينا لباب مشرفين القسم العام .. والا فيه مكتب واحد بس @@ مكتوب عليه ROMA4EVER .. قلت: san siro ما كنهم غلطانين !! قال الا .. قلت وين مكتب Lupo ؟؟ قال مدري ؟؟ المهم سمعنا روما يتكلم عن موضوع سوبر ستار اللاعبين مع شخص ثاني ؟؟ الشخص الثاني مانشوفه في الغرفه ولا ميزنا صوته.. ما نشوف الا حاجز مكتوب عليه شي بس مو واضح لنا .. شوي روما قال بطلع اروح افطر وطلع بعد ما استخبينا .. رجعنا للمكتب دخلنا .. رحنا للجاجز الا مكتوب عليه " ممنوع دخول الجنس اللالطيف " .. قلنا اكيد هذا مكتوب Lupo وشلون ندخل الان ..

قلت :san siro انت عادي بارد وجه خش عليها .. ناظرت والا الشرار يتطاير من عيونه :mad3: .. عرفت اني جبت العيد .. قلت له " امزح معك والا انت ما ينمزح معك ".. قال : الا بس خل مزحك زين لا اقوم امزح في وجهك البلاط

طقينا الباب والا نسمع Lupo تقول : مين .. قلت انا ؟ قالت : من أنت ؟؟ قلت ساعي البريد .. قلت لا يكثر واقلب وجهك ما عندي رسايل .. قلت لك معي رساله .. قالت اقول : انقلع لا اجي اترفس في بطنك ..

خفت وسكت والا خويي متسدح على الارض من الضحك !! قلت له: وش فيك ماقد شفت احد يتهزأ قبل كذا ؟؟
قال: ياخي كل العالم يعرفونك ويدرون انك مسخره !!

بغيت اترفس في بطنه وهو على الارض بس قلت وش لك بالمشاكل – ماخفت يعني @@ - طلعنا من المكتب رحنا نشوف الباقي ..

لقينا باب مكتوب عليه " اللجنة الاخباريه " .. والا الذب الماكر وروماوي ومجنون روما يقلبون في هالاوراق كـأنهم في إنتخابات مو في منتدى .. كل واحد ماسك كم جريده مع كم ورقه وقدامه ثلاث تلفزيونات وسبع كمبيوترات وقاعد ينقز من هنا وهناك يشوفون آخر الاخبار .. وكل واحد يطبع ويرسل ويحط اخر الاخبار في المنتدى الله يعطيهم العافية ..


طلعنا من عندهم وصلنا إلى أهم الابواب .. باب المراقبين @@ فتحنا الباب والا غرفة فاضيـه فيها 5 أبواب كل باب مكتوب عليه اسم المراقب .. أول باب صادفناه كان باب " Umit " .. فتحنا الباب والا أوميت قاعد في الغرفه ورا مكتب كبير روووعه يقلب في لابتوب قدامه .. قال san siro ابسط يا عم من قدك !!

طلعنا ورحنا للباب الثاني .. كان باب " ياسر عبدالله " .. فتحنا الغرفه لقيناها فاضيه .. ياسر كان برا .. دخلنا شفنا المكتب الفخم .. قلت : يستاهل ياسر .. لقينا اوراق على المكتب .. قلت لسانسيرو وش رايك نقلب في المكتب ؟ قال لا عيب ما يجوز وعطاني محاضره طولها وعرضها اطول من هالموضوع @@ ..

طلعنا ورحنا للباب الثالث .. كان باب " قيصر روما " حبيب قلبي .. قلت لسانسيرو: لازم اسلم عليه والا والله لو يدري اني جيت وما مريته بيزعل مني ..
قال: والله لو يدري انك جيت هنا بهالاسلوب كان فرمتوا وجهك من المنتدى وعملوا لك delet @@ ..
فتحنا الباب والا قيصر روما قاعد يكلم تلفون .. الظاهر كان يكلم البيت .. لانه كان يقول : لانحسبوني على الغدا ما راح اجي .. معزومين اليوم عند الرئيس على الغدا عندنا إجتماع معلق ..


طلعنا من عنده رحنا لباب Batty my world مالقيناه موجود ..


رحنا لباب الرئيس **BATIGOL** لقيناه واقف مع Batty my world معهم أوراق ويسولفون عن موضوع في المنتدى .. كان ترشيح اوي شي زي كذا ..

قال **BATIGOL**: انا بطلع اشوف الشباب برا وش عندهم .. انت وش بتسوي ؟؟

Batty my world: انا بروح للمنتدى العام اشوف وش الجديد فيه ؟؟

قلت لسان سير خلنا ننحاش قبل لاينكشف امرنا @@ ونروح في خبر كان ومبتدأ الجمله الفعليه حقت حميدو ؟ .. قال يالله ..

رحنا ركض لين وصلنا للباب .. نبي نفتحه عيا ينفتح @@ قلت بس ياوالله النشبه .. عزالله رحنا وطي .. قال تعال لدورة المياه شف العمده جاي .. دخلنا دورة المياه شوي ووصل **BATIGOL** للباب .. ضغط زر بجنب الباب مخفي .. وانفتح الباب وطلع برا ..

طلعت انا و san siro وظغطنا نفس الزر .. إنفتح الباب وقبل لا نطلع سمعنا صوت Batty my world ينادي : انت ياللي عند الباب وقف ابيك @@ طلعنا بسرعه ومن الخرعه طاحت نظارة san siro وقفل الباب ورانا وما قدرنا نـآخذها ..
قلت له الله لا يوفق العد الحين لازم تـآخذ هالنظاره معك ؟؟ قال اقول امش لا يطلع باتي ويشوفنا والله لا يبهدلنا بهدلة ما صارت ..

طلعنا ركض ووصلنا للمنتدى العام دخلنا فيه .. لقينا بعض الشباب موجودين .. قعدنا معهم .. شافنا Batty my world وجا قا : هلا بالشباب .. وش فيكم اشكالكم اشكال ناس مسوين مصيبه !!

قلت أي مصيبه انت ووجهك لاتبلشنا ولا نبلشك الله يخليك رح اكتب سؤالك لاتنساه مثل العاده ..
حميدو أي سؤال ؟

قلت سؤالك في موضوع وين كنت ؟
حميدو: أي موضوع ؟؟

قلت يابن الحلال رح ماني رايق لك ..
حميدو: انت مين وش تبي مني ؟؟

san siro: حميدو وش فيك ؟
حميدو: لا والله توني متعشي الساعه 7 الصبح

دخل Batty my world الله يجزاه خير فكنا من حميدو @@ .. والا معه نظارة سان سيرو ..

قال: يا شباب ما شفتوا سان سيرو ؟؟

san siro : هذا انا خير وش تبي ؟

Batty my world: لا.. بس لقيت نظارتك برا .. ((من زين الطبايع الاخ كتبا إسمه عليها ))!!

Batty my world ناظر فيني بنص عين .. قال : سنعوسي باشا انت و san siro تعاولوا أبيكم !!

جيناه قال لنا : *****************


تدرون وش قال ؟؟

قال :؟؟؟؟؟؟

0
0
0


والا بلاش .. ننهي الموضوع هنا لاني لو كتبت اللي قاله بيتحذف الموضوع ؟؟


****


إنتهت المغامرة الساعه 12 الظهر من نفس اليوم .. وانتهى معها الموضوع ؟


****


ملاحظـات :

**الاحداث اللتي تم نشرها في الموضوع من نسج الخيال طبعاً ..

**اتمنى ان لا يزعل مني احد وكل الكلام طبعاً مزح x مزح ..

**كل التحيّـه للمشرفين الافاضل مع الاعتذار المسبق لهم عن كل شي ..


** حميدو = BATIGOLD


[line]


النهـايه THE END


000


{ المغـــامرة }


000


من إخراج : السنعوسي

بطولة : السنعوسي + san siro

فكرة : أبو نواف

إعداد و تنفيذ : alsn3osi


[/align]



كُتب : [ 18-04-2004 - 12:40 PM ]
 رقم المشاركة : ( 2 )
ذئب مميز جدا
رقم العضوية : 32
تاريخ التسجيل : Aug 2003
الدولة :
العمر :
الجنس :
النادي :
مكان الإقامة : KSA , Madeena
عدد المشاركات : 352
عدد النقاط : 10
قوة الترشيح : BatiGold يمشي على خطى ثابته
الأوسمـة
بيانات الإتصال
آخر المواضيع

BatiGold غير متواجد حالياً

 

افتراضي


ههههههههههههههههههه .... جلست اضحك اضحك اضحك اضحك من جوات قلبي من وسطو

آخ منك بس آخ .. و أنا حميدو

اشكرك على الأقل نسيتنا همومنا شوية




[align=center][grade="DC143C FF0000 FF7F50 FFA500"]** U Drive Me Crazy because U R 1 of a Kind **[/grade][/align]

كُتب : [ 18-04-2004 - 02:50 PM ]
 رقم المشاركة : ( 3 )
ذئب وفيّ للشبكه
رقم العضوية : 43
تاريخ التسجيل : Aug 2003
الدولة :
العمر : 31
الجنس :
النادي : roma club
مكان الإقامة :
عدد المشاركات : 2,725
عدد النقاط : 10
قوة الترشيح : ][أبو مدلل][ يمشي على خطى ثابته
الأوسمـة
بيانات الإتصال
آخر المواضيع

][أبو مدلل][ غير متواجد حالياً

 

افتراضي


ههههههههههههه والله موضوع مضحك ولكن تنفع مخرج فى هوليود يعنى ماخليت عضو مادكرته فى موضوعك يعطيك ألف ألف عافيه حبيب قلبى



super dani
كُتب : [ 18-04-2004 - 03:30 PM ]
 رقم المشاركة : ( 4 )
ذئب مخضرم
رقم العضوية : 460
تاريخ التسجيل : Oct 2003
الدولة :
العمر :
الجنس :
النادي : انتر ناسيونالى ميلان
مكان الإقامة : *ميلانو قرب منزل ادريانو*
عدد المشاركات : 800
عدد النقاط : 10
قوة الترشيح : مارتينز30 يمشي على خطى ثابته
الأوسمـة
بيانات الإتصال
آخر المواضيع

مارتينز30 غير متواجد حالياً

 

افتراضي


هاهاهاهاهاهاهاهاهاهاهاها
ويش السالفة



[align=center]
FORZA INTER
[/align]

كُتب : [ 18-04-2004 - 03:54 PM ]
 رقم المشاركة : ( 5 )
ذئب وفيّ للشبكه
رقم العضوية : 7
تاريخ التسجيل : Aug 2003
الدولة : L I B Y A
العمر : 32
الجنس :  Male
النادي : AS ROMA
مكان الإقامة : ..:: L I B Y A ::..
عدد المشاركات : 3,767
عدد النقاط : 10
قوة الترشيح : مجنوون روما يمشي على خطى ثابته
الأوسمـة
بيانات الإتصال
آخر المواضيع
Libya

مجنوون روما غير متواجد حالياً

 

افتراضي


[align=center]ههههههههههههههههههههههههههههههههههه


تسلم يا سنعوسى على المعامرة الجميلة

انا كنت مش ولابد اول ما فتحت على المنتدى كنت كيف مروح منالامتحان و جو


لكن انت رفهت علينا تسلم يا غالى
[/align]



كُتب : [ 18-04-2004 - 04:38 PM ]
 رقم المشاركة : ( 6 )
رئيس الشبكه
رقم العضوية : 1
تاريخ التسجيل : Aug 2003
الدولة : R 4 E NETWORK
العمر : 41
الجنس :  Male
النادي : AS ROMA
مكان الإقامة : R4E Network
عدد المشاركات : 21,019
عدد النقاط : 1070722
قوة الترشيح : **BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد**BATIGOL** يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
Saudi Arabia

**BATIGOL** غير متواجد حالياً

 

افتراضي


هههههههههههههه روعه بصراحه في كل شيء

أعجبني أسلوبك الرائع في الطرح .. والخيال والواسع والمميز الي عندك
بصراحه الموضوع شدني من أوله إلى آخره

طريقتك في تناول الأعضاء والمشرفين والمراقبين والجميع .. تنم عن خيال جميل <<< درينا خلاص
لكن بيني وبينك :
فضحتنا شويتين .. انت وسان سيرو .. مسوين لي فيها " ميتل قير " انت ووجهك <<<< مدمن بلاي ستيشن
وسالفة الصوره الي تتحرك يمين ويسار تراها تمويه على فكره

وبعدين تعال هنا :
يعني انت وصاحبك ومخكم الكبير .. رأيكم .. راح نفتح قسم للمشرفين وما يكون فيه كاميرات مراقبه
كل تحركاتكم مسجله على شريط فيديو .. وسي دي .. ودي في دي .. وراح ترفع " لحقوق الأنسان " و " الأمم المتحده " و " مستشفى الأمراض العقليه "
و يا وليكم يا سواد ليلكم

أنتظروا البنشمنت = العقاب

الله يعطيك الف عافيه عالموضوع الرائع .. وتسلم يمينك حبيب قلبي

تحياتي وتقديري >>> المفروض الصوره هذي .. لكن





ROMA MAI SOLA
ROMA NON SI DISCUTE, SI AMA

TWITTER : @R4Enetwork
كُتب : [ 18-04-2004 - 05:07 PM ]
 رقم المشاركة : ( 7 )
عضو إداري سابق
رقم العضوية : 811
تاريخ التسجيل : Jan 2004
الدولة : YNWA
العمر : 35
الجنس :  Male
النادي : ROME
مكان الإقامة : VALENCIA
عدد المشاركات : 8,224
عدد النقاط : 12591
قوة الترشيح : buJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبدbuJenin يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
Yemen

buJenin غير متواجد حالياً

 

افتراضي


[align=center]انا قلبي راح فيها من الظحك

بصراحه مدري وش أقول

بس والله ميتل قير بحق وحقيقة واللي ظحكني أكثر خوينا حميدو

مشكور عزيزي والله خشة عالمنتدى غيييييير [/align]





إنِّي لفَخُورْ ...


buJenin © 2004-2010
كُتب : [ 18-04-2004 - 05:32 PM ]
 رقم المشاركة : ( 8 )
عضو إداري سابق
رقم العضوية : 50
تاريخ التسجيل : Aug 2003
الدولة :
العمر :
الجنس :
النادي : asRoma
مكان الإقامة : City of Saddness
عدد المشاركات : 3,581
عدد النقاط : 31
قوة الترشيح : Lupo عضو يملك شعبيه في الشبكه
الأوسمـة
بيانات الإتصال
آخر المواضيع

Lupo غير متواجد حالياً

 

افتراضي




هههههههه
ضحكتني من قلب
حلوة منك أخوي السنعوسي

لا وما شاءالله عليك الأحداث محبوكة بشكل رائع

حلوة هذه اللالطيف

ماغامرة لا تنسى أبدا
وتهزيئة لا تنسى


ايش أقول غير انك مميز ودائما كذلك
يعطيك العافية على هذه الطلة الحلوة


تحياتي





مقهى الهوى فرُغت مقاعدهُ حولي .. وما أكملتُ فنجاني!
كُتب : [ 18-04-2004 - 08:56 PM ]
 رقم المشاركة : ( 9 )
ذئب وفيّ للشبكه
رقم العضوية : 54
تاريخ التسجيل : Aug 2003
الدولة :
العمر :
الجنس :
النادي : ريال مدريد
مكان الإقامة : KUWAIT
عدد المشاركات : 2,548
عدد النقاط : 10
قوة الترشيح : الذئب الماكر يمشي على خطى ثابته
الأوسمـة
بيانات الإتصال
آخر المواضيع

الذئب الماكر غير متواجد حالياً

 

افتراضي


[align=center][glow=000000]ههههههههههههههههههههههههههههههههههههههـ

تشكـــــر اخوي على الموضوع الرائع

سيتم رفع عليـك قضيـة لمجلـس الأمن الدولي

<< تحياتي >>[/glow]
[/align]



كُتب : [ 19-04-2004 - 12:21 AM ]
 رقم المشاركة : ( 10 )
ذئب مميز جدا
رقم العضوية : 32
تاريخ التسجيل : Aug 2003
الدولة :
العمر :
الجنس :
النادي :
مكان الإقامة : KSA , Madeena
عدد المشاركات : 352
عدد النقاط : 10
قوة الترشيح : BatiGold يمشي على خطى ثابته
الأوسمـة
بيانات الإتصال
آخر المواضيع

BatiGold غير متواجد حالياً

 

افتراضي


سنعس .. الموضوع دا لازم يدخل قسم مواضيع لا تنسى
بس عشان فيه اسمي .. من جد من جد ضحكت انا الين قلت بس ..
وانت بكلامك دا توصفني أنا لمن أكون متنح في حالة تتنيح كأنك شفتني

سلام يا روما




[align=center][grade="DC143C FF0000 FF7F50 FFA500"]** U Drive Me Crazy because U R 1 of a Kind **[/grade][/align]

كُتب : [ 19-04-2004 - 12:45 AM ]
 رقم المشاركة : ( 11 )
عضو إداري سابق
رقم العضوية : 257
تاريخ التسجيل : Sep 2003
الدولة :
العمر :
الجنس :
النادي : روما + هلال نصف الأر
مكان الإقامة : الجزيره العربيه
عدد المشاركات : 4,971
عدد النقاط : 10
قوة الترشيح : روماوي يمشي على خطى ثابته
الأوسمـة
بيانات الإتصال
آخر المواضيع

روماوي غير متواجد حالياً

 

افتراضي




انت

بس معلـيـش , اما انك ما تـقـول وش هاوشكم باتي جولـد , هذي هي مربط الـفـرس او نهايه الـفيـلـم , لا تستحي خل روحك رياضيه وقـلـها..........

تسلم ولا تـقـطعنا من خيالاتك الحلوه ....


تحياتي



كُتب : [ 19-04-2004 - 03:41 PM ]
 رقم المشاركة : ( 12 )
عضو إداري سابق
رقم العضوية : 85
تاريخ التسجيل : Aug 2003
الدولة :
العمر :
الجنس :
النادي : AS.ROMA
مكان الإقامة : حُـطـامُ الـذِكـرَيـات . . !
عدد المشاركات : 6,379
عدد النقاط : 33
قوة الترشيح : قيصر روما عضو يملك شعبيه في الشبكه
الأوسمـة
بيانات الإتصال
آخر المواضيع

قيصر روما غير متواجد حالياً

 

افتراضي


[align=center]

اقتباس:
والله لو يدري انك جيت هنا بهالاسلوب كان فرمتوا وجهك من المنتدى وعملوا لك delet
[/align]
[align=center]وأنا أقدر أفا عليك بس حبيب قلبي , كنت أبقطع المكالمه لعيونك ولو , كم سعنوسي عندنا [/align]
[align=center]تسلم والله حبيب قلبي على هذا الموضوع وهذه القصه الأكثر من رائعه , يعطيك ألف عافيه [/align]



لا إله إلا الله وحده لا شريك له, لهُ المُلك و لهُ الحمد, يُحيي و يُميت و هو حيٌ لا يموت, بيدهِ الخير و هو على كُل شيءٍ قدير
كُتب : [ 19-04-2004 - 04:19 PM ]
 رقم المشاركة : ( 13 )
ذئب مخضرم
رقم العضوية : 366
تاريخ التسجيل : Oct 2003
الدولة :
العمر :
الجنس :
النادي : روما
مكان الإقامة : ايطاليا - روما
عدد المشاركات : 756
عدد النقاط : 10
قوة الترشيح : тoттίcoм يمشي على خطى ثابته
الأوسمـة
بيانات الإتصال
آخر المواضيع

тoттίcoм غير متواجد حالياً

 

افتراضي


مشكور على الابداع

!!!!!!!!!!!!وين اسمي!!!!!!!!11




كُتب : [ 20-04-2004 - 03:18 PM ]
 رقم المشاركة : ( 14 )
عضو إداري سابق
رقم العضوية : 846
تاريخ التسجيل : Jan 2004
الدولة : United state
العمر : 32
الجنس :  Male
النادي : A.S ROMA
مكان الإقامة : Boston, MA
عدد المشاركات : 9,766
عدد النقاط : 14964
قوة الترشيح : Lelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبدLelouch يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
Saudi Arabia

Lelouch غير متواجد حالياً

 

افتراضي


تعال أنت وش دخلك أني احطك مع قيص روما

ولالا بعدين أحسن شي سويته انا اني خليتك مع باتي ماي وورد

ههههههههههه بس حلوة منك يالسنعوسي والله حلوة





Shingeki No Kyojin

كُتب : [ 21-04-2004 - 03:02 AM ]
 رقم المشاركة : ( 15 )
ذئب مميز
رقم العضوية : 569
تاريخ التسجيل : Nov 2003
الدولة :
العمر :
الجنس :
النادي : Mighty Milan
مكان الإقامة : Milanello
عدد المشاركات : 198
عدد النقاط : 10
قوة الترشيح : San Siro يمشي على خطى ثابته
الأوسمـة
بيانات الإتصال
آخر المواضيع

San Siro غير متواجد حالياً

 

افتراضي


مراحب

والله اخ سنعوسي مدري وش اقول....بصراحه موضوع جدا رائع... حطمت ميل ولد الحاج جيبسون في التأليف والبطولة والاخراج ...مبروك عليك الثلاث اوسكارات موغريبه عليك...انت ميلاني طالع علي

اكيد هذا فخر لي انك اخترتني عشان اصير البطل المساند خليتني احس اني توم كروز ولو اني احلى منه شويتين
بس والله ضحكتني هذي (امزح بوجهك البلاط) وحميدو يا الله يا الله!! بصراحه قطعني من الضحك ...

كيف عرفت اني اكتب اسمي على نظارتي؟ بس من كثر ماتنسرق صرت اكتب اسمي عليها
اما bati my world فوالله عطيته حقه...صاير لنا مثل المحقق كونان:contcare: ...الله يرجه بس.. النهاية كانت بتصير احلى لو ما كشفنا ...

تسلم اناملك اخوي ومشكور وما تقصر


فورزا ميلان



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:58 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
أغلب المواضيع والردود العامه لا الأخبار تمثل أصحابها ولا تمثل إدارة شبكة روما إلى الأبد
All Rights Reserved © 2001-2015 ROMA 4 EVER NETWORK