صفحة جديدة 4
:: الرئيسية :: :: المنتديات :: :: التسجيل :: :: التحكم :: :: البحث :: :: اتصل بنا ::
 
:: RSS :: :: تويتر الشبكة :: :: صفحة الفيس بوك للشبكة ::


العودة   R4E منتديات شبكة روما إلى الأبد > الأقسام العامه > المنتدى العام > أرشيف التميز والإبداع

أرشيف التميز والإبداع : عرض المواضيع المميزه في المنتدى العام

 
 
LinkBack أدوات الموضوع انواع عرض الموضوع
كُتب : [ 10-03-2009 - 02:17 AM ]
 رقم المشاركة : ( 1 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي [ بدر , خدّوي ] :: إلى أين ؟؟ || الموسم الاول - Archive


بـدر كعادته مجتهد في مجال الهندسه الالكترونية .. هذه آخر سنة له ويأخذ شهادة الدبلوم .. وعندها يتخرج ويودّع كل من يعرفه في هذه الكليّة الجميلة .. والد بدر لا يجعل ابنه يذهب بعيدا ً عن البيت .. حيث آنه يكون على الفراش الساعة 10:00 وذلك ليعزل ابنه عن الشباب المراهقين والذين لا يحملون في آحلامهم آهداف .... ولـكن مع ذلك سالم وهو والد بدر لا يعلم مالذي يحدث لابنه عندما يذهب الابن للدراسة ومع من يختلط ..

جاسـم : بـدر وينك يارجال منتظرينك من الصبح .. خير اول مره نشوفك تتأخر اليوم .. لدرجة إنه الميس ( المدرّسة ) اعطتك في سجلّك علامة ( l ) ( وهذه ترمز لتأخيره ) ...

بدر : جـاسم ياخي مدري شو اسوي .. مدري كيف بخلص هذه السنة على خير .. خاصة ً هذا آخر كورس وبعدها تأتي إمتحانات الفاينل وانا قلبي معّلق بوحدة في كليتنا !! .. آول آمس شفتها في الكانتين ( الكافتيريا ) ..

جـاسم : معقولة بدر !!! .. إنت الطالب الملتزم واللي تغض بصرك عن المحرمات .. انت الحين تقول هالكلام !! .. شو هالرمسة بدر .. ماتوقعتك جذي ياخي !!!

بدر : سحرت قلبي بلحظه .. نظراتها لي تخليني فوق النخل .. جـاسم آريدك تطالعها وتقولي رأيك فيها بصراحه .. هـل تنفع آرابعها وتكون زميلتي ولا لا ..

جــاسم : آووكي ماعندي مشاكل ..

بينما بدر وجاسم يمشون بجانب الازهار في حديقة الكليّة المخصصة لاطفال المدرسين .. جاءت الفتاة التي لا تزال تسحر قلب بدر .. بالرغم من آن بدر لم يكن يعلم بوجودها في تلك الحديقة ..


خلود : خدّووي ( دلع خديجة ) .. وين بتسيرين بعد الدوام اليوم ؟؟
خدّوي : مدري يالغالية .. لـكن بما إنه اليوم الويك إند .. عندي الجمعه والسبت إجازة , بشوف آسير ويا آهلي الحديقة آو نطلع على جم مول .. شو رأيج آدق عليج ونسير ويا بعض ؟؟

خلود : ماعندي مشاكل يالغالية .. بس ياخوفي آهلي مايرضون آو آنشغل ويا الوالده كالعاده في المطبخ ..

خدّوي : لا ما عليج .. بكلم آهلج إنهم يخلونج تيين ويانا .. ههههههههه

خلود : فديتج آنا بس ..

وفي هذه اللحظات .. بدر وجاسم سمِعا حديث خلود وخدّوي .. بدر في نفسه يقول ( إلا و إلا آيييكم ) .. ( والحمدلله عرفت إسمها ) وفي نفسه يقول ( حتى اسمها طالع عليها ( خدّوي ) ,, فديتها بس )..


التكملة في العدد القادم إن شاء الله ..
خيالي كتبها ..



اشهد ان لا اله الا الله واشهد ان محمد رسول الله لا اله الا انت سبحانك انى كنت من الظالمين اللهم ارزقنا حسن الخاتمه ولا تقبضنا الا وانت راض ٍ عنا وتقبل اعمالنا يا ارحم الراحمين ..

..



كُتب : [ 10-03-2009 - 02:18 AM ]
 رقم المشاركة : ( 2 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


حاليا ً لا يملك بدر سوى آن يلاحق خدّوي إلى بيتها وعمل إستطلاعات كعادة المجرمين عندما يريدون آن يسرقون الاشياء الثمينة .. سنتابع مالذي سيحدث مع بدر وجاسم بالاضافة إلى الانيقتين خدّوي وخلود ..

بعد إنتهاء الحديث الجانبي بين خدّوي وخلود في تلك الحديقة .. لمحت خدّوي عند مغادرتها جاسـم وهي مبتسمة إبتسامة إعجاب .. و جاسم لم ينتبه لها جيّدا ً لان نظراته كانت مصوّبة نـحو خلـود .. وكعادة الفتيات تحاول آن تجعل الشاب خاتم في إصبعها الحنون وهم لا حول ولا قوّة ..

خدّوي وخلود تغادران الحديقة وكلاهما معجبين بهولاء الشخصيتين ولـكن ليس كما يشتهيها صاحبنا بدر !! .. وبعد ذلك إنطلق بدر بحديثه حيث قال لرفيقه جاسم ..

بدر : ها شو رأيك فيها .. مو تهبل وتخزي العين .. يالبى قلبها بس .. متى آتعرّف عليها و آكون وياها وتناديني ببدوري .. والله مو قادر اصبر على الثواني اللي تضيع مني ..

جاسم : خخخخخخخ .. الله يعينك ويصبرك ياخوي .. بس بصراحه آنا حبيت خلود .. شفت كيف واقفة ؟؟ ما شاء الله عليها .. تقول للقمر ابعد وانا ايلس مكانك ..

بـدر : آنا ما آنتبهت على ربيعتها .. خدّوي آحلى وهي ساحرة قلبي .. ضحكتها مو طبيعية ياجاسم ..

جاسم : ما عليه بدر حاول تفكّر لك بطريقة حلوة وحضارية تخليك تييب راسها ( تجيب ) .. آهم شيء لا تكون غجري مثل هذولا اللي عقولهم رايحه فيها ومنتهيه .. لان البنت ماراح ترضى لو شافتك غجري !! .. هذي نصيحة خذها مني ..

بـدر : يصير خير .. و آهم شيء ما آخرب على نفسي و آضيعها من يدي !!

XXX

في هذه الاثناء .. ذهبت كل من خدّوي وخلود إلى الكانتين ( الكافتيريا ) .. وذلك للغداء ..
بينما ذهب كـل بدر وجاسم ليصلّون صلاة الظهر ..

XXX

وبعد إنتهاء كـل من بدر وجاسم صلاتهم .. ذهبا لتناول الغداء ايضا ً .. وعند دخولهما للبوابة الرئيسية .. سلّم جاسم بصوته الحنون على آصدقائه القدامى وبدر لايزال في سبات عميق وخدّوي لا تفارقه من خياله .. وقد قال بدر لصاحبه جاسم ..

بدر : جـاسم آنا حدي يوعان ( يعني ما آقدر اصبر .. الجوع ذابحه ) .. عطهم طاف ربعك ( خلهم يولون )

جـاسم : عيب هالرمسه ( عيب عيك هالكلام ) .. شو خلهم يولون .. آنا ما آشوفهم كثير في الكليّة , يالله يالله بالاسبوع اشوفهم 5 دقايق والحين تبي تحرمني من شوفتهم ..

بدر : آووكي جاسم خلك وياهم و آنا رايح آتغدى .. اذا خلصت منهم تعال لي ..

جاسم : Take your time ..

XXX

وفي هذه الاوقات , ذهب بدر لقسم ديوان الامير وذلك لطلب صحن تبوله مع برياني ..

النادل : هلا هلا بالطالب المجتهد .. شو حبيبي بدر .. شو كيفك اليوم وشو تحب تتغدى اليوم ؟؟

بدر : آلحمدلله على كل حال .. آتمنى اخلص هالكورس على خير و اللي ابيه يتحقق ( هنا يقصد خدّوي ) .. ياريت تعطيني صحن تبوله مع برياني + 2 قطعتين دياي ( دجاج ) ..

النادل : دقايق ويكون الغدى جاهز ياكابتن ..

بدر : راح آتريّاك في تلك الزاوية اللي فيها بنات ( آترياكم : آنتظركم ) ..

النادل : Ok ..

XXX

بينما بدر يمشي وعينه مصوّبة على الزاوية التي تكسوها الفتيات .. شهد إثنتين من البنات جالسات في وسط الكافتيريا وهنا بدأت دقّات قلب بدر بالتسارع ...

ياترى مالذي سيحصل في هذا الكانتين ؟؟

التكملة في العدد القادم إن شاء الله ..
خيالي كتبها ..



اشهد ان لا اله الا الله واشهد ان محمد رسول الله لا اله الا انت سبحانك انى كنت من الظالمين اللهم ارزقنا حسن الخاتمه ولا تقبضنا الا وانت راض ٍ عنا وتقبل اعمالنا يا ارحم الراحمين ..

..




التعديل الأخير تم بواسطة ROMANILO ; 10-03-2009 الساعة 02:35 AM
كُتب : [ 10-03-2009 - 02:19 AM ]
 رقم المشاركة : ( 3 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


بينما بدر يمشي وعينه مصوّبة على الزاوية التي تكسوها الفتيات .. شهد إثنتين من البنات جالسات في وسط الكافتيريا وهنا بدأت دقّات قلب بدر بالتسارع ...

لاحظ بدر الفتاتين وهما جالستين في وسط المطعم وعرف بأنهما ( خدّوي وخلود ) وذلك من خلال العبايه المزرقشة بالاحـمر والكريستال الدائري .. وخشي بأن يُغمى عليه من جمال خدّوي ولـكنه تحامل على نفسه .. و حجز طاولة بالقرب منهم .. وهنا جاء صديق جاسم بعد آن آخذ من وقته 5 دقايق كالمعتاد مع آصحابه ..
xxx

جاسم وبصوت عالي : بــدر ههههههههههههههه .. ها شو بعدك تفكّر فيها ..

بـدر وقد غطاه اللون الاحـمر من الاحراج : جاسـم إي نعم جالس افكر في المسأله مالت الرياضيات ( يحاول يصرف الموضوع بغمزة لجاسم ) ..

جاسـم فهم بدر على الطاير وهو يقول : اهاااا .. صحيح كلامك .. شو طلع براسك شيء ؟؟ آو ع الاقل فكـرة ؟؟

بدر : لا لا تعال اقعد وريحني من مشاكل الرياضيات .. ( يخاف جاسم يقول اسم خدّوي له لبدر عشان كذا غير الموضوع )

وهنا وبصوت خافت من بدر وهو يقول لجاسم ..

بدر : جاسم تعال تعال بقولك شيء .. شوف اللي يالسين جنبنا هم خدّوي وخلود .. بليز يعني ماتحرجنا معاهم ..

جاسم ايضا ً بصوت خافت : آووكي آووكي ولا يهمك ..

وبعد مضي 10 دقايق بالضبط .. آتى النادل ومعه الصحن الذي طلبه بدر .. وجاسم ينظر لهاتفه ويقول ..
xxx

جاسم : بدر طلبت لي ويّاك ولا لا ؟؟

بـدر : لا , نسيتك لان مثل ما تعرف انشغلت بالتفكير مع المسألة ( يقصد انه انشغل بخدّوي )

جاسم : آووكي آنا بسير آطلب من ماكدونالدز .. تبي آيس سكريم آوريو ؟ ( آيس كريم مغطى بالشوكليت + فتات البسكويت)

بدر : لا , خله بطلب بعد الغدى ..

وهنا بدأت ضحكات خدّوي وخلود بالارتفاع .. وهما تحاولان السخرية من بدر .. ولـكن مع ذلك بدر لم ينتبه ما المقصد من هذه الضحكات .. وهنا آتى إتصال لخلود وهي ترفع الهاتف وتقول ..
xxx

خلود : هلا آمايه .. شحالج عساج مرتاحه بس .. وكيف اشغال البيت إن شاء الله مو متعبتج ( يعني ما آتعبتك ِ )

ام خلود وهي تتحدث بالهاتف : هلا غناتي خلود .. آنا بخير يابنيتي .. الحمد لله اليوم ماكان في شغل وايد ( وايد : كثير ) .. بس بغيت آقولج ( آقول ) .. إن اليوم بنسير الحديقة .. فعسبت جذي ( عشان كذي ) .. قلت يمكن تخلصين من الدوام وتكونين تعبانه ..

خلود : لا آمايه .. بالعكس اليوم كنت ابي ارد ( آرد : آرجع ) البيت و آفتح الموضوع ويّاج ( ويّاج : معاك ِ ) لان ربيعتي خدّوي تريدني اسير وياها للحديقة و أهلها بيييون هناك ( بييون : بيروحون ) .. شو رأيج ( رايك ِ ) تروحين ويانا ونغيّر جو وبالمره تتعرفين على آم خدّوي ؟؟

آم خلود : يصير خير يا بنيتي .. وسلميلي على خدّوي .. و إن شاء الله بسير وياكم ليش لا .. ومنها نتعرف على أم خدّوي ..

خلود : عيل ما آطول عليج آمايه .. آلحينه بسير آنا ( عيل : اجل ) ( الحينه : الحين )

أم خلود : في حفظ الرحمن .. و إنتبهي على روحج يابنيتي ..

خلود : في حفظ الباري .. ولا يهمج آمايه ..

وهنا قد إنتهت مكالمة خلود لوالدتها .. وهي سعيده بهذا الاتصال .. بينما بدر لايزال يأكل صحن التبوله وهو يقول في نفسه :

بدر : إييييه .. متى آناديها بإسمها آو ع الاقل آروح لعندها .. ياخوفي تردني وماتعطيني سالفة ( بدر يقول في نفسه )..

وفي هذه اللحظات .. آتى جاسم ومعه صحنه .. حيث طلب له بيج تيستي وهي تعتبر آضخم وجبة في الماكدونالدز .. وقد قال جاسم لبدر ..
xxx

جاسم : شووووف شووووووف شو طلبت .. بيج تيستي حجم كبييييييير مع بطاطس حارة وكاتشب وشوف بعد البيبسي كيف حجمه .. الحين قولي مين اليوعان .. آنا ولا انت .. واللي بيشوفني بيقول هذا ماشاف خير من يوم ما آنولد ههههههههه ..

بدر : من حقك .. معاك بنك متحرك .. يعني اشتر اللي تبيه ياجاسم .. وبالهناء وبالعافية عليك .. بس حبه حبه ياروحي ..

جاسم : تسلم لي ع الكلام الحلو ..

وفي هذه الاثناء بينما بدر وجاسم يتضاحكان بسوالفهم .. قامت خدّوي وهي تضحك وعيناها مصوّبه لجاسم وخلود تتبعها ..
وبدر لم يستطع إكمال آكله ونظرات خدّوي ملاحقه لجاسم ..

ياترى مالذي سيحصل في العدد القادم ..
تريونا حبايبي



اشهد ان لا اله الا الله واشهد ان محمد رسول الله لا اله الا انت سبحانك انى كنت من الظالمين اللهم ارزقنا حسن الخاتمه ولا تقبضنا الا وانت راض ٍ عنا وتقبل اعمالنا يا ارحم الراحمين ..

..



كُتب : [ 10-03-2009 - 02:20 AM ]
 رقم المشاركة : ( 4 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


وفي هذه الاثناء بينما بدر وجاسم يتضاحكان بسوالفهم .. قامت خدّوي وهي تضحك وعيناها مصوّبه لجاسم وخلود تتبعها ..
وبدر لم يستطع إكمال آكله ونظرات خدّوي ملاحقه لجاسم ..
وهنا يقول بدر في نفسه ( لييييييش يعني آنا شو فيني وشو ناقصني من الاساس .. ليييييييش تطالع جااااسم وانا لا .. جاسم مو آحسن عني بشيء .. آنا احلى منه بكثييييير .. شعري طويل .. و آناقتي لا توصف بهذا المتعجرف جاسم.. يعني وقفت عليّ .. لازم آبعده من خدّوي ولا آنا ماراح آتعرف عليها )

وفي هذه الاثناء .. جـاسم بدأ بإنتهاء البيج تيستي والخمول قد آوقف تركيزه الكامل .. وهو يقول لبدر ..
Xxx
جاسم : البنات راحوا وهذي خدّوي ماعندها شغله غير تضحك .. آتوقع عينها طايحه على آحد فينا .. آما خلود حبوبه وماتقول شيء ..

وهنا بدر قد قاطع جاسم والغيره تملأ قلبه وقد قال ..
Xxx
بدر : إسكت إسكت انت وخلود ماعندك سالفة بصراحه .. آنا ساير آخذ لي آيس سكريم فراوله ..

جـاسم مستغرب من ردة فعل بدر .. ويقول في نفسه ( شفييه هذا .. ليكون استخف وقعد .. صـج ما آلوم المعقدين .. لا وبعد ماشاف بنت طول عمره .. و آنا اقول ليش الشباب مايمشون وراه )

إنتظرَ جاسم دقيقتين لكي يأتي بدر من الماكدونالدز .. وقد آخذ هاتفه وبدأ يلعب لعبة الدودة كعادته ..
وبعد مضي دقيقتين ونصف آتى بدر ومعه الايس كريم .. وهو يقول ..

بدر : بسألك يا جاسم .. خدّوي ليش كانت تضحك علي ّ وعند الحديقة مالت آطفال المدرسين كانت مبتسمه لك ؟؟ .. تقدر تجاوبني ؟؟

جاسم لم يسمع ماقاله بدر , فقد كان واضعا ً السماعه على آذنه وهو يسمع لاحد الاغاني .. فترك بدر الايس كريم من يده وقد وضعه على طاولة الاكل .. وذهب لجاسم وسحب عنه السماعه وقال لجاسم بصوت عالي ..
Xxx
بدر : إنت شووووو ماتسمع شو آقووولك .. ولا يالس تفكر فيها بعد .. مالت عليك ياخي .. وعلى اليوم اللي خليتك تشوفها معاي ..

جاسم مستغرب مرة ً آخرى من كلام بدر ولـكنه آخذ الامور ببساطة و قال له ..
Xxx
جاسم : آنا مو مثلك زين هذا آول شيء .. ثاني شيء صعب آخلي بنت تأخذ تفكيري لاني آعرف نفسي زييين .. بس ماعندي مانع آسمع سؤالك ..

بدر : زين زين خليك الحينه من الجمل المثقّفه .. وقولي ليش خدّوي كانت تضحك علي ّفي المطعم وعند الحديقة مالت آطفال المدرسين كانت مبتسمه لك ؟؟ .. تقدر تجاوبني ؟؟
جاسم ضحك من سؤال بدر وقال ..
Xxx

جـاسم : شو شايفني عالم الغيب .. ولا آنا ربيعها ولا شو بالضبط .. بدر إنت فيك شيء ولا شكلك مو نايم عدل اليوم !! ؟؟

بدر : زين جاوبني آو قول اي شيء ياخي .. مايصير إنها تضحك عليّ وتبتسم لك !! .. آكيد في شيء بينكم ..

جاسم : بدر آحس إنك تبي تثبت لي إنك غبي آو إنك تافه ماعندك شيء ..

وفي هذه اللحظات .. آخذ بدر الايس كريم وذهب عن صاحبه جاسم .. قائلا ً له ..
Xxx

بدر : جـاسم روح عني .. ما آبي آعرفك ولا تعرفني زين .. وكل اللي بينا إنتهى ..

جاسم : إنقلع يامتخلف .. إحمد ربك إني مشيت معاك طول الثلاث السنوات اللي راحت .. ومحد من الشباب مشى معاك .. لانهم يعرفونك على طبيعتك .. بس آنا ما حبيت آجرحك بيوم واحد .. لـكن مالت عليك وعلى تفكيرك الصغير ..

ياترى مالذي سيحصل في العدد القادم ..

تريونا حبايبي



اشهد ان لا اله الا الله واشهد ان محمد رسول الله لا اله الا انت سبحانك انى كنت من الظالمين اللهم ارزقنا حسن الخاتمه ولا تقبضنا الا وانت راض ٍ عنا وتقبل اعمالنا يا ارحم الراحمين ..

..



كُتب : [ 10-03-2009 - 02:21 AM ]
 رقم المشاركة : ( 5 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


وفي هذه اللحظات .. آخذ بدر الايس كريم وذهب عن صاحبه جاسم .. قائلا ً له ..
Xxx

بدر : جـاسم روح عني .. ما آبي آعرفك ولا تعرفني زين .. وكل اللي بينا إنتهى ..

جاسم : إنقلع يامتخلف .. إحمد ربك إني مشيت معاك طول الثلاث السنوات اللي راحت .. ومحد من الشباب مشى معاك .. لانهم يعرفونك على طبيعتك .. بس آنا ما حبيت آجرحك بيوم واحد .. لـكن مالت عليك وعلى تفكيرك الصغير ..

بـدر : آنا الحين ياجاسم عقلي صغير ومتخلف !! .. زيــن ما عليه .. راح تندم على هذي الكلمة اللي قلتها .. والآيّام بينا ..

وهنا بدر غادر والدمعه في عينيه ..

بالرغم من آن بدر هو من بادر َ بقطع صلة الصداقة ولـكنه في نفس الوقت كان يريدها كثيرا ً وقد دبّر هذه الخطة منذ اللحظة التي إبتسمت فيها خدّوي لجاسم وهنا شعر َ بدر بالغيرة وقد رتّب الامور كما يريدها ..

الساعة 1:30 ظهرا ً.. في هذه الاثناء إنصرف طلاب الكليّة لمنازلهم ومنهم من بقي في الكليّة وذلك لإنهاء دروسهم و آشغالهم .. وقد كان جاسم آحد الطلاّب الذين آرادوا إنهاء آشغالهم وذلك للتفرّغ لاشياء آخرى .. بينما بـدر غادر الكليّة بسرعة فائقة وذلك لسببين وهما : الذهاب إلى الحلاّق وترتيب نفسه .. والسبب الثاني الذهاب للحديقة التي سيتواجد بها كـل من عائلة خدّوي ووالدة خلود بالاضافة إلى خلود .. في هذه اللحظات كـان جاسـم متوجها ً إلى الطابق العلوي إلى قسم الكهرباء وذلك لاجراء بعض من التجارب .. ومنها عمل دائرة كهربائية تشتغل باللمس وهو يقول في نفسه ..
Xxx
جـاسم : يالله تصبرني على هالمدرس الكرييه .. الحين الدائرة الكهربائية تحتاج شو حتى تشتغل ؟؟!! .. وشو القطع اللي آحتاجها حتى تعمل بطريقة حلـوه .. ياخي والله هذي الايام آعاني .. يعني بلاقيها من هالمدرس ولا من بدر اللي خلاص آحسه ضاااع مع هذي خدّوي .. المشكلة إن الحين ماعندي آحد .. بدر راح وانا مو فاهم شيء واللغة الانجليزية عندي شوي ضعيفه ..

في هذه اللحظة وصـل جاسم للغرفة رقم ( W117 ) .. وقبل فتحه لباب الغرفة سـمع آصوات بالداخل ولـكنه لم يعلم مالذي يجري بالداخل .. قال جاسم في نفسه ..
Xxx
جـاسم : يمكن الشباب يشتغلون عسبت ( عسبت : علشان ) إمتحان باجر ( باجر آو باكر : بكـرة ) .. والله يمكن يفيدوني كثيييير .. وبدر خله ينقلع بشوفه شو بيسوي هذا التافه ..

وعند فتحه للباب .. إنصدم جاسم بوجود فتاتان يعملون بالداخل .. وقد كانوا كـل من خدّوي وخلود .. وقد تسارعت دقّات قلبه كثيرا ً .. وقد قال في نفسه متسائلا ً ..
Xxx
جاسم : هذيله شو يسووون في الغرفه !؟ .. ليكونوا في نفس تخصصنا .. آنا اللي اعرفه إن القسم هذا فيه صف واحد .. هذولا من ويين يوونا ( يوونا : جايين ) .. ياخي الحين ماكو الا هالغرفه وانا إمتحاني بااجر .. ادخل عليهم و آقولهم علموني !! .. والله اللي فيها فيها .. ماراح استحي منهم مثل الغبي بدر .. آهم شيء آنجح من عند المستر ..

وهنا قد دخل جاسم وقد كان الحوار الدبلوماسي كالتالي ..
Xxx
جاسم : السلام عليكم اخواتي .. شحالكم عساكم مرتاحين ..

خدّوي وخلود : وعليكم السلام ورحمة الله وبركاته .. نحن بخير الحمد لله ..

وقد بادرت خدّوي بإبتسامتها المعتاده و بالتسائل عن حاله حيث قالت ..
Xxx
خدّوي : و إنت آخويه شحالك .. إن شاء الله مرتاح ..

آيضا ً خلود قد سلّمت عليه وقالت ..
Xxx
خلـود : حيّاك الله آخوي ..

جـاسم : آنا الحمد لله بخير دامكم بخير .. بغيت آسألكم اذا مافي أي إزعاج ..

خدّوي : قول ومافي أي إزعاج إن شاء الله ..

خلود : قول و إذا في اي إستفسار آو تبي شيء نحن بنساعدك ..

جـاسم : جزاكم الله خير اخواتي .. بس حبيت آقول إنتم في آي تخصص ؟؟ لاني استغربت لقيتكم في هالغرفة .. آنا قلت يمكن تكونون في نفس تخصصنا بس اللي اعرفه إن الكليّة فيها صف واحد .. بس مدري .. إنتم في نفس تخصصنا ؟؟

خدّوي : نحن ندرس كهرباء .. بس الكليّة فيها صفّين .. صف للشباب وصف للبنات ..

خلود : إي نحن ندرس كهرباء .. و إنت آخويه شو تدرس ؟؟

جاسم : ما شاء الله عليكم .. آنا بعد في نفس التخصص اللي تدرسونه انتم ..

خلود : ما شاء الله عليك آخويه .. ترى منها فايده الكهرباء .. باجر إن شاء الله لو تخرجت راح تقول إنه هالتخصص له فايده في دولتنا ..

جاسم : كلامج صحيح وسليم100%.. إن شاء الله نتخرج ونيييب ( نيييب : نجيب ) المعدل اللي يرضي أهلنا ويرضينا ..

خدّوي : الله يسمع منك يارب ..

جاسـم : آمين يارب ..

وفي هذه الاثناء قال جاسم لخدّوي ولخلود ..

جاسم : إن شاء الله بس ما خرّبت عليكم شغلكم ..

خدّوي وخلود : لالا آخوي خذ راحتك .. اي شيء نحن حاضرين فيه إن شاء الله ..

جاسم : الله يخليكم .. بس آنا بصراحه عندي باجر إمتحان عملي .. و آنا مو فاهم شيء .. قلت يمكن آحصّل آحد يساعدني ..

خلود : و إمتحان شو بالضبط ؟؟ ..

جاسم : إمتحان عملي عن الدائرة كهربائية .. و آنا راسي مقفل منها .. مدري شو آسوي ..

خدّوي : افاا عليك آخويه .. نحن بالخدمه .. و إن شاء الله بنساعدك لين تييب ( تييب : تجيب ) الفل مارك ..

جاسـم مستغرب : صج والله بتساعدوني ؟؟ ..

خلود وهي مستحيَه: هيه ليش لا .. نحن بعد عندنا نفس الامتحان .. و الامتحان مالنا بيكون عند المستر الهندي .. ليكون يدرسّكم مستر : بوهاري علي عباس ؟؟

جاسم وهو فرحان : ههههههههههه .. هيييه هو نفسه .. إسمه ضارب عليه هههههههههههه ..

وهنا قد قطعت خدّوي الحديث بقولها ... ؟؟

ياترى مالذي يدور برأس خدّوي ؟؟

التكملة في العدد القادم إن شاء الله ..

تريونا حبايبي



اشهد ان لا اله الا الله واشهد ان محمد رسول الله لا اله الا انت سبحانك انى كنت من الظالمين اللهم ارزقنا حسن الخاتمه ولا تقبضنا الا وانت راض ٍ عنا وتقبل اعمالنا يا ارحم الراحمين ..

..



كُتب : [ 10-03-2009 - 02:22 AM ]
 رقم المشاركة : ( 6 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


وهنا قد قطعت خدّوي الحديث بقولها ... ؟؟

خدّوي : آخويه ماعرفتنا على اسمك ؟

جـاسم : اسمي جاسم .. وانتم ؟

خدّوي : انا خدّوي ..

خلود : وانا اسمي خلود ..

جـاسم : عاشت الاسامي ..

خلود وخدّوي بصوت واحد : عاشت دنياك جاسم ..

في هذه الاثناء قالت خدّوي لجاسم ..

خدّوي : جـاسم شرايك نبدأ الشغل الحينه ؟ لاني انا وخلود مابنطول كثير .. لان عندنا آشغال بعدين ..

جـاسم : اووكي خدّوي ماعندي مشاكل .. وفي نفسه يقول ( والله خلود طالعه قمر ) ..

خـلود وهي مستحيه : عن إذنكم .. بسير آرمس بالتليفون شوي ..

جـاسم : خذي راحتج خلود ..

خدّوي : خلود لا تطولين ماعندنا وقت ترى .. 4:30 بنسير الحديقه ..

خلود : افااا عليج خدّوي .. دقايق ماراح آطوّل ..

خدّوي : Ok

في هذه الدقائق التي ذهبت بها خلود للحديث في الهاتف .. كـان جـاسم على وجهه بعض من علامات الاستحياء وذلك لجلوسه لوحده مع خدّوي .. وقد قال لها ..

جاسم : خدّوي انتي الحين في آخر مرحله من الدراسه صح ؟

خدّوي : هيه .. آبي اخلص منها وافتك ..

جـاسم : زيـن وكيــف اللغة الانجليزيه ويّاج ؟ ( ويّاج : معاك ِ )

خدّوي : الحمد لله عال العال ..

جـاسم : زيـن تقدرين تخبريني طريقة آقدر امشي نفسي فيها ؟ لان والله آنا مثل الاطرش بالزفه .. اللي يساعدني ربيعي في الكليّة وانا بدونه ولا شيء .. ( مايبي يذكر إسم بدر )

خدّوي : والله مافي طريقة .. اذا تبي تتحسن وتقوّي لغتك .. تقدر تدخل دورات تعليميه .. وبإمكانك تستعين بقصص المكتبه .. لان في قصص حلـوه وتقوّي لغتك .. حتى في خدمه يديده في الكليّة مدري اذا سامع فيها إسمها : تحسين اللغه الانجليزيه ..

جـاسم : والله زين .. بشوف القصص و إن شاء الله آحصّل شيء مفيد .. والخدمه هذي الحينه اسمعها منج .. يزاج الله خير لانج رمّستيني عنها .. ( رمّستيني : كلّمتيني )

خدّوي : إي واذا احتجت اي شيء آنا بالخدمه ..

جـاسم : تسلمين والله ..

في هذه الاثناء كانت تتحدّث خلود إلى والدتها بالهاتف حيث كان الحوار كالتالي ..

ام خلود : السلام عليكم يابنيتي .. شحالج ..

خلود : وعليكم السلام امايه .. آنا بخير الحمد لله .. وانتي شو الامور ويّاج ..

ام خلود : دوم ان شاء الله يابنيتي .. آنا مو مسويه شيء .. بس زهّبت الغدى لاخوانج .. ( زهّبت : جهّزت ) ..

خلود : ما شاء الله .. وشو كان غداكم اليوم ؟

ام خلود : برياني ويا دياي ..

خلود : بالعافيه إن شاء الله ..

ام خلود : الله يعافيج .. وانتي تغديتي ولا بعدج ؟

خلود : آنا هيه تغديت الحمد لله والحين يالسه ادرس شوي ويمكن آتأخر .. الله يعلم ..

ام خلود : زيـن تقريبا ً لين متى بتتأخرين ؟ .. لان يمكن نسير السوق نحن ..

خلود : مدري والله امايه .. اذا خلصت شغلي بسوي لكم تليفون .. وبعدين حق شو تسيرين السوق .. مو إتفقنا نسير الحديقه ؟؟

ام خلود : اخواتج مو مخليين لي حال .. يبـوون يشرون .. ( يبـوون : يريدون ) , ( يشرون : يشترون ) ..

خلود : زيـن ما قلنا شيء .. والحديقة شو موضوعها الحين ؟

ام خلود : انا ما بسير .. وربيعتج خدّوي تعذريلي منها ..

خلود : وانا آبي اسير وياها لاني عطيتها كلمه الحينه .. إن شاء الله بقول لها .. بس إنتي موافقه إني اسير وياهم ؟

ام خلود : يصير خير يابنيتي .. آنا ماعندي مانع تطلعين وياها .. بس آبوج هو اللي عنده الكلمه ..

خلود : خلاص اووكيك امايه .. آنا الحينه بسير ويوم اخلص ادق عليكم .. في أمان الله ..

ام خلود : في أمان الباري ..

وهنا قد انتهت مكالمة خلود لوالدتها .. وقد عادت للغرفه مجددا ً .. وقالت لهم ..

خلود : السلام عليكم .. آسفه ع التأخير .. ماكان قصدي ..

جـاسم : وعليكم السلام .. خذي راحتج ومايحتاج تعتذرين ..

خدّوي : ماعليج خلود .. آهم شيء راحتج يالغاليه ..

خلود : تسلمون ..

في هذه اللحظات قال جاسم لخلود ولخدّوي ..

جـاسم : زين نقدر نبدأ ؟؟

خلود وخدّوي معا ً : هيه ليش لا ..

خلود : آنا بسير أيييب لكم القطع اللي نبيها ..

خدّوي : وانا بييب الاسلاك ..

جـاسم : زيـن و آنا ؟

خدّوي : انت بتشوف التطبيق ههههههههههههه

خلود وهـي مستحيه : تقدر تييب لك معدات ثانيه وتسوي في نفس الوقت ..

جاسم : بصراحه متعايز وايد .. ( متعايز : متكاسل ) , ( وايد : كثير ) ..

خلـود في نفسها تقول .. ( الحينه هذا عنده إمتحان تطبيق .. ويقول متعايز .. صـج لا قالوا شباب مامنهم فايده .. )

خدّوي : اووكيك .. أنا بسير اييب الاسلاك من المختبر .. اتريّوا 5 دقايق .. ( اتريّوا : انتظروا ) ..

خلود : آنا بعد بسير اييب القطع ..

خدّوي : ماراح نتأخر جاسم .. اتريّانا هني اووكيك ؟

جـاسم : اووكيك بتريّاكم ..

بينما ذهبت كـل من خدّوي و خلود لاحضار المعدّات .. آخرج جاسم هاتفه وبدأ بلعب لعبة الدوده وهو يقول في سره ..

جـاسم : سبحان الله .. بدر يراكض ورى خدّوي .. والحين خدّوي يالسه تدرسني لا وبعد ويا خلود .. ههههههههههههههه .. صـج دنيا .. زيـن الحينه آنا آبي طريقة اخلي بدر ينقهر ..... شو ياجاسم شو هي الطريقة ..

ياترى مالذي يفكّر به ِ جاسم .. وهـل سينجح فعلا ً في إقهار بدر .. ؟!

التكمله في العدد القادم بإذن الله ..
تريونا حبايبي




اشهد ان لا اله الا الله واشهد ان محمد رسول الله لا اله الا انت سبحانك انى كنت من الظالمين اللهم ارزقنا حسن الخاتمه ولا تقبضنا الا وانت راض ٍ عنا وتقبل اعمالنا يا ارحم الراحمين ..

..



كُتب : [ 10-03-2009 - 02:23 AM ]
 رقم المشاركة : ( 7 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


بينما ذهبت كـل من خدّوي و خلود لاحضار المعدّات .. آخرج جاسم هاتفه وبدأ بلعب لعبة الدوده وهو يقول في سره ..

جـاسم : سبحان الله .. بدر يراكض ورى خدّوي .. والحين خدّوي يالسه تدرسني لا وبعد ويا خلود .. ههههههههههههههه .. صـج دنيا .. زيـن الحينه آنا آبي طريقة اخلي بدر ينقهر ..... شو ياجاسم شو هي الطريقة ..

جـاسم : لازم آمشي ويّاهم و آرابعهم ..حتى يعرف قدري هذاك التافه .. والله لاخليك تيجي عندي وانت تتأسف .. عيل تقطع الصلة اللي بيني وبينك بس عسبت إبتسامه من بنت ويمكن بعد ماكان قصدها تبتسم لي !! .. ما عليه يابدر الايّام بينا..

بعد مضي 5 دقايق آتت كـل من خدّوي وخلود وكل واحده معها الاسلاك والقطع .. قبل الدخول للغرفه قالت خدّوي لخلود ..

خدّوي : خلود خلود ترييّ شوي ( تريّي : انتظري ) .. عندي شيء ابي اقوله لج ..

خلود : شو ؟ ..

خدّوي : قولي لي شرايج بجاسم ؟ .. ماتحسينه ولد محترم ووسيم ؟

خلود بخجل : مدري مدري .. ماجفته عدل .. ( ماجفته : ماشفته )

خدّوي : حرام عليج شو ماجفتيه .. يجنن بصراحه .. آبيه يكون ربيعي .. بس مدري كيف ياخلود !

خلود : اهااااا .. قولي من الصبح إنج تبينه ربيعج .. ماعندي مشاكل .. بس اهلج لو درو شو بتقولين لهم ؟ .. ( درو : عرفوا )

خدّوي : ماراح يدرون .. بس انتي خبريني شو رايج فيه ؟

وهنا قد رأى جاسم كل من خدّوي وخلود آمام باب الغرفه .. وقال في نفسه ربما يحتاجان مساعده .. وقال ..

جاسم : هذيله شفيهم مايدخلون ولا يبون احد يفتح لهم الباب .. خلني اروح واجوف .. ( آجوف : آشوف) ..

وعند فتحه للباب .. تفاجأت خدّوي وخلود .. بفتح جاسم لباب الغرفه .. وكاد آي يُغمى على خدّوي وذلك بسبب السؤال الذي سألته لصديقتها خلود وخشيت آن يسمع جاسم بذلك .. ولـكن لحسن الحظ ان خلود سكتت ولم تتحدث .. وقد قال جاسم لهم ..

جاسم : شفيكم واقفين ع الباب .. آنا قلت يمكن تحتاجون احد يفتح لكم الباب لان الاشغال وايده وخفت ينكسر شيء عسبت جذي يييت عندكم .. ( يييت : جيييت ) ..

خدّوي ولكي تصرف الموضوع قالت ..

خدّوي : سبحان الله .. ما شاء الله عليك جاسم عرفت اننا نحتاج مساعده .. يزاك الله خير ..

جـاسم : مايحتاج خواتي .. خلوني اشيل عنكم ..

خدّوي : هاك خذ عني .. إصابيعي راحن فيها .. ( هاك : خذ آو شله ) .. ( راحن : راحوا ) ..

جاسم : وانتي بعد خلود اعطيني القطع ..

خلود : مايحتاج جاسم .. الطاولة قريبه حييل .. انت ما عليك سير جدامي .. ( جدامي : قدامي ) ..

جاسم في نفسه يقول ( ليتج تعطيني القطع وانتي ترتاحين .. بس هم بعد براحتج ) ..

وعند دخولهم للغرفه قال جاسم ..

جاسم : خدّوي وخلود .. آنا وايد متحمس للشغل .. خلونا نبدأ .. حتى نخلص من وقت ..

خدّوي في نفسها نقول ( لاااااااا .. آبي اقعد فتره حتى اقدر اعرف طبيعته .. بحاول اطوّل ف الشغل ) ..

خلود : هيه رمستك عدله جاسم .. آنا بعد آبي اخلص من وقت لان عندي اشغال شوي في البيت .. وفي نفسها تقول ( هذا من شوي يقول إنه متعايز .. شو صارله !! ) ..

خدّوي وهي منقهره : مو كأنه بدري شوي ؟!

خلود : لا ويييين .. آنا ما آقدر ايلس وياكم وايد .. الوالده تترياني ف البيت ..

خدّوي وهي منقهره : Ok خلود ..

جـاسم : يلا .. 1,2,3 خلونا نبدأ

خدّوي : جوف في البدايه ياجاسم .. انت تعرف تركب الاسلاك عدل صح ؟

جاسم : هيه الحمد لله هذا آعرف آسويه 100% ..

خدّوي : تمام عليك .. الحين خذ هذي الصفيحه وسير عند هذيك الالة وسوي 15 فتحه ..

جاسم : آووكيك .. زين خلود بليز تعالي وياي عسبت تطالعين وياي اذا الشغل صح آو لا ..

خلود : آفاا عليك .. يلا يايه ويّاك .. ( يايه : جايه ) ..

وهنا جلست خدّوي لتنظر للاوراق التي تحتاجها لمراجعة طريقة تحضير الدائرة الكهربائيه .. مع العلم بأنها كانت تنظر من بعيد للعمل الذي كان يقوم به جاسم .. آي عين على الورق وعين على الصديق الجديد الذي تتمناه كما تقول ..

وهنا قال جاسم لخلود ..

جاسم : خلود الشغل اللي آسويه الحينه صح ولا ؟ ..

خلود : شو رايك انته .. وحق شو يايبني وياك .. منظره يعني .. ( يايبني : جايبني ) .. ( منظره : مرايه ) ..

جاسم : هههههههههههههههههههههه .. الله يسامحج .. بس حسيت روحي خبصت شوي ..

خلود : الله يسامح اليميع إن شاء الله .. بس شغلك عدل جاسم .. وما عليك آنا متابعه ويّاك ..

جاسم : تسلمين يالغاليه ..

خلود بإستحياء : الله يسلمك ..

وبعد إنتهاء العمل الذي قام به جاسم .. آتى إلى خدّوي وقال لها ..

جاسم : خدّوي انا خلصته الشغل .. شو الحينه بسوي ؟

خدّوي : الحينه عليك تحط القطع بالشكل الصحيح .. مثل الصورة اللي وياي ..

جاسم : آوووكيك .. سهله هاي الشغله ..

خلود وهي تضحك : عيل شحقه تقول صعب وما آعرف اسوي .. ههههههههههههههه

جاسم : آنا صح ما آعرف آسوي لكن آحب احد يكون هذالي ويقولي شو اسوي .. ( هذالي : بجنبي ) ..

خلود : زين زين الله يوفقك ..

جاسم : اليميع إن شاء الله .. وانتوا تعرفون تسووون ولا تحتايووون مساعده ههههههههههههههه ( تحتايوون : تحتاجون ) ..

خدّوي : هيه نحن نعرف .. ولا كيف سويت الشغل هههههههه

جاسم : آمزح وياج .. المهم هذي القطع ركبتها .. وشو الخطوه الاخيره .. لاني آظن هم 4 خطوات صح ؟

خلود : عليك نووور .. هم صح 4 خطوات .. الخطوه الاخيرة ما آعرفها بصراحه .. ها خدّوي جوفي شغلج .. ( جوفي : شوفي ) ..

خدّوي : هههههههههه شغّاله عندج صح ..

خلود : يمكن ليش لا هههههههههههههههههه

خدّوي : وكم راتبي إن شاء الله ..

خلود : ماكو راتب هههههههههههههههه

خدّوي : مالت عليج ..

خلود بهمسه : آحبج ..

خدّوي وهي تضحك : تحبج الجراده .. ههههههههههه

جـاسم : انتوا تتساسرون وانا مو فاهم شيء .. ( تتساسرون : تتكلمون بصوت خفيف ماينسمع ) ..

خلود : كنت آقول لها شو الخطوه رقم 4 .. لاني مو فاهمتها عسبت جي سألتها .. ( جي : كذي ) ..

جاسم : هيه صح خدّوي شو الخطوه الاخيره ..

خدّوي : الخطوه الاخيره .. تلحّم القطع مع الصفيحه حتى تثبت مع بعض .. وفي الاخير تركّب البطاريه وراح تجوف الليت يولع ويّاك ..

خلود : هييييييييييييييييه صح كلامج خدّوي .. ما شاء الله عليج حافظه .. دحيحه ماتنلامين .. ( دحيحه : يعني تدرس كثير ) ..

خدّوي : ههههههههههههههه زين سوي مثلي وخلي عنّج الكلام اللي ماله فايده ..

خلود : ياريييت .. بس مو فاضيه .. آهم شيء آنجح ..

جاسم : آوووكيك .. خلود تعالي وياي والله يعين يارب ..

خلود في نفسها تقول ( هذا شفيه كل ماقالت شيء خدّوي يقولي تعالي .. صج متخلف , آمري لله ) ..

وهنا قد تقدّم جاسم آمام خلود .. وخلود تؤشّر لخدّوي من بعيد والمقصد من هذي الاشاره ( يعني مالت عليج وعليه وعلى الوقت اللي ييت فيه وياج عسبت ادرس ) ..

خدّوي وهي تطالع خلود : هههههههههههههههههههههههههههههههههههه ههههههههههههههههههه

وفي هذه اللحظات توقف جاسم !!

ياترى مالذي سيحدث ؟

التكمله في العدد القادم بإذن الله ..
تريونا حبايبي



اشهد ان لا اله الا الله واشهد ان محمد رسول الله لا اله الا انت سبحانك انى كنت من الظالمين اللهم ارزقنا حسن الخاتمه ولا تقبضنا الا وانت راض ٍ عنا وتقبل اعمالنا يا ارحم الراحمين ..

..



كُتب : [ 10-03-2009 - 02:24 AM ]
 رقم المشاركة : ( 8 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


وهنا قد تقدّم جاسم آمام خلود .. وخلود تؤشّر لخدّوي من بعيد والمقصد من هذي الاشاره ( يعني مالت عليج وعليه وعلى الوقت اللي ييت فيه وياج عسبت ادرس ) ..

خدّوي وهي تطالع خلود : هههههههههههههههههههههههههههههههههههه ههههههههههههههههههه

وفي هذه اللحظات توقف جاسم !!
ونظر إلى الوراء حيث كان ينظر إلى خدّوي وهي تضحك وقال ..

جـاسم : خدّوي شفيج عسى ماشر .. في شيء يضحّك ؟ .. ولا شغلي مو عاجبج ؟

خدّوي صرفت الموضوع بقولها : لا ويييييين ..منو ياب طاريييك .. لا بس تذكرت سالفة اليوم استوت ويّاي وضحكت وماقدرت آيّود روحي .. ( ياب : جاب ) , ( آيّود : آمسك ) ..

جاسم : آهااا .. عيل السموحه منج خدّوي ..

خلود في نفسها تقول ( هذا صج ملقوف .. على كل شيء بيقعد يحقق .. آمري لله ) ..

وهنا آيضا ً نظر جاسم لخلود وقال لها ..

جاسم : خلود فيج شيء .. آحسج ماتبين تعلميني آو تتابعين وياي ..

خلود ولـكي تصرف الموضوع : لا يامعود آفااا عليك .. بس تذكرت الوالده آحس إنها تحاتي عليّ ..

جاسم : والله مدري .. عيل السموحه منج خلود ..

خلود : افااا عليك جاسم .. خلنا نبدأ تلحيم القطع مع الصفيحه وننتهي من الشغل ..

جاسم: Ok ..

وفي هذه اللحظات .. تساورت خطط في رأس جاسم .. آي كان يريد آن يجذب إنتباهها إليه .. حيث قال في نفسه .. ( هذي فرصه حلـوه حيييل .. بحاول اعوّر آصابيعها وبعدها هـي بتتعور وبكون آنا الطبيب آو بصير لها سوبر مان .. ) ..

وفعلا ً عندما كان يلحّم جاسم القطع .. كانت خلود واضعة يديها على الطاوله وكانت ترى لخدّوي من بعيد حيث كانت خدّوي تسرّح شعرها .. وفي هذه اللحظات وضع جاسم آداة التلحيم على يديها .. وفجأة بدأت خلود تصارخ وتنلعن اليوم الذي آتت فيه لمساعده جاسم حيث قالت ..

خلود : مالت عليك يالتافه .. عوّرت إصبوعاتي .. الحينه شو آقول لامايّه .. ( إصبوعاتي : آصابيعي )..

وهنا آتت خدّوي مسرعة ً لترى مالذي حدث حيث قالت ..

خدّوي وهي تصرّخ : شفييييييييييج خلووود .. قولي حقي .. شصار لج .. !!

خلود : هذا عوّر إصبوعاتي .. جوووفي كيف الدم يسيل .. صـج حولّي مايجوف ( إصبوعاتي : آصابيعي )..

جاسم : ماكان قصدي ياخلود .. سامحيني يا اختي .. قومي آوديج ع المستشفى .. مابخليج بروحج لين آوديج ع المستشفى ويرتاح قلبي .. سوي اللي تبينه لكن ماكان قصدي اعوّرج ..

خلود وهي في حضن خدّوي : زيـن زيـن ودّوني ع المستشفى ..

خدّوي : جـاسم تروم تسبقنا ع المستشفى وآنا بأخذها بالسياره .. ( تروم : تقدر ) ..

جـاسم : لالا ويييين آسبقكم .. بسير ويّاكم وبخلّي سيارتي في الكليّة ..

خدّوي : اووكي .. وفي نفسها تقول ( والله حلـو .. هذي تعوّرت والحين بيكون ويّانا جاسم .. يس هذا المطلوب ) ..

خلود : ياريت لو تسرعون شوي .. مافيني .. آحس إن بيغمى عليّ ..

جـاسم : خدّوي بسرعه بسرعه والله يرحم والدينج ..

خدّوي : يلا يلا خلونا نسير ..

كـانت خدّوي ممسكه لصديقتها خلود بينما كان جاسم حاملا ً للاغراض الخاصة لخلود .. كـان جاسم في البدايه خائف لانه خشيَ آن يصيبها مكروه .. ولـكن بما انها آتت على يديها .. قال في قلبه ( آشوه ماعورت عيونها .. ولا كنت الحينه في مهب الريييح .. عموما ً هذي بداية الطريق حتى اصير ربيعها ) .. بينما كانت خدّوي تنظر لجاسم وهي تضحك وتقول ..

خدّوي : جاسم ليش ماطريّت لها عينها ههههههههههههههههه .. ( طريّت : شلت لها عينها ) ..

خلود : شووووو.. إنتي مجرمه صايره .. خليه يجرّبه في عيونج ..

جـاسم : عدل عدل كلام خلود ..

خدّوي : شو عدل انته .. وين تفكر نفسك في محكمه ولا وين هههههههههههههه ..

جاسم : آمزح آمزح ويّاكم ..

في هذه الاثناء .. وصل الثلاثي إلى السيارة الخاصة بـخدّوي وقال جاسم لخدّوي ..

جاسم : ما شاء الله عليج خدّوي .. الحينه هذي الكوبرا مالتج ..

خدّوي وهي تضحك : هههههههههههه هيه هذي مالتي .. شرايك فيها .. تينن ها .. ( تينّن : تجنن ) ..

جـاسم : ما شاء الله هيه تينّن ..

خلود : مالت عليكم انتم وهاي السيارة .. يلا خلونا نسير ع المستشفى ..

خدّوي : زين زين بلاج جي معصبه .. بالهداوه ياروحي .. ( بلاج : شفيج ) , ( جي : كذي ) ..

خلود : آنا يديني تعوّرني ومو قادره اوقف .. آنا بقعد بالسياره وبنطركم ويوم تخلصون رمستكم إركبوا اووكي .. ( بنطركم : بنتظركم ) ..

جاسم : هيه آنا خلصت كلامي .. يلا آبي آجربها السياره يلا خدّوي بسرعه ..

خدّوي : اووكيك ..

وبدأت مغامره الثلاثي خلود وخدّوي وجاسم للذهاب لاول مره خارج الكليّة متوجهين إلى المستشفى .. ولـم يكن الحديث مقتصرا ً فقط في الغرفة حيث واصلوا حديثهم آيضا في السياره حيث قالت خدّوي لجاسم ..

خدّوي : جاسم إنت بيتكم جريب من الكليّة ولا بعيد ؟ ( جريب : قريب )

جاسم : امممممم .. يبعد من الكليّة مسافه 30 كيلو متر .. آحسها جريبه حيل ..

خدّوي : ما شاء الله حلـو ..

جاسم : وانتي خدّوي جريبه من الكلية ؟

خدّوي : هيه بيتنا جرييييب حيل .. يبعد مسافه 6 كيلو متر ..

جـاسم : مالت علينا والله .. انا فكرت عمري بيتنا جريب .. فالاخير طلع بعيد مقارنة ً ببيتكم ..

خدّوي : هــع ..

خلود : هيه مو روحك بعيد ياجاسم .. حتى آنا بعيده شوي .. ( روحك : بروحك ) ..

جـاسم : لـيش وانتي كم يبعد بيتكم عن الكليّة ؟

خلود : مسافه 20 كيلو متر .. بالنسبة للشباب مسافة 20 يعتبرونها شيء بسيط .. آما بالنسبة لي آجوفها وايد بعيده ..

جاسم في نفسه يقول ( صـج مدلّعه .. هههههههههههههه ) ..

في هذه اللحظات وصلت خدّوي بالكوبرا إلى المستشفى .. و آوقفت سيارتها آمام البوّابه الرئيسية .. حيث قالت ..

خدّوي : خلود آنا وقفت السيارة جدّام البوّابه علشانج ياروحي .. ( جدّام : قدّام , آمام ) ..

خلود : تسلمين لي .. عقبال ماتتعورين مثلي و آخذج و آحطّج عند البوّابه هههههههه ..

خدّوي وهي تضحك : الشرهه مو عليج .. الشرهه على اللي ركّبج السيارة .. مالت عليج

خلود : آمزح آمزح والله .. بس يلا خلونا ندخل ..

خدّوي : وآنا بعد آمزح حبيبتي ..

جاسم في نفسه يقول ( لييش ماتقولين حقي ياخلود .. آنا مستعد تعوّريني وتحطيني في الزباله بعد هههههههههههههه ) ..

وعند دخولهم لقاعة الاستقبال .. اخذت خدّوي محفظة خلود و آخرجت بطاقتها الصحيّه و آعطتها للمرأة المسؤولة عن البطاقات الصحيّة .. وذهبوا للجلوس والانتظار ..

وبعد مضي 15 دقيقه .. نادت الطبيبة خلود .. و آجابت خلود بأنها حاضره .. بينما انتظر كـل من خدّوي وجاسم خارجا ً .. وكـان الحوار الذي دار بين الطبيبه وخلود كالتالي ..

الطبيبه : السلام عليكم خلود .. شحالج اختي ..

خلود : وعليكم السلام ورحمة الله وبركاته .. آنا تمـام بس شوي انجرحت اليوم ..

الطبيبه : اهاا .. زيـن ممكن تشرحين لي كيف تعورتي ؟ ..

خلود في نفسها تقول ( بحاول اجذب عليها جذبه بيضه عسبّت ماندخل في متاهات مع الدكتوره ) ..

خلود : لا ماكو شيء بس آنا عوّرت نفسي بالسّجينه .. لاني كنت اقطّع سلطة خضار فتعوّرت .. ( سجّينه : سكّينه ) ..

الطبيبه : اهاا .. يابنيتي انتبهي على روحج ..

خلود : إن شاء الله ..

وفي هذه الاثناء كتبت الطبيبه الاشياء التي تحتاجها خلود لكي تتعافى من يديها .. وفي هذه اللحظات كانت خدّوي جالسه بجانب جاسم في قاعه الانتظار وقالت له ..

خدّوي : بصراحه يا جاسم .. انت عيبتني حيل اليوم .. خوفك على خلود ومحاولتك لمساعدة نفسك حق الامتحان ها شيء حلـو وطيّب .. ( عيبتني : عجبتني ) ..

جـاسم وهو مندهش : لا خدّوي مايحتاي تقولين هالكلام .. آنا حبيت اساعدكم و إن شاء الله تتعافى خلود ..

في هذه الاثناء نظرت خدّوي لجاسم و آرادت بأن تقول ..


التكمله بالعدد القادم بإذن الله ..
تريونا حبايبي



اشهد ان لا اله الا الله واشهد ان محمد رسول الله لا اله الا انت سبحانك انى كنت من الظالمين اللهم ارزقنا حسن الخاتمه ولا تقبضنا الا وانت راض ٍ عنا وتقبل اعمالنا يا ارحم الراحمين ..

..



كُتب : [ 10-03-2009 - 02:25 AM ]
 رقم المشاركة : ( 9 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


في هذه الاثناء نظرت خدّوي لجاسم و آرادت بأن تقول ..

خدّوي : جـاسم بيني وبينك آنا معجبة فيك .. آتمنى تكون ربيعنا وماتفهمني غـلط ..

جاسم وهو مندهش : ها .. كيف .. شو ماسمعت عيدي مره ثانيه خدّوي ..

خدّوي : آنا معجبه فيك و آبيك تصير ربيعنا في الكليّه ..

جاسم وهو مبتسم : يشرفني والله اختي خدّوي اكون ويّاكم و آنا بعد تأقلمت ويّاكم و آبي اصير ربيعكم ..

خدّوي : عيل هاك رقمي و اتصل عليّ اذا كنت تحتاج مني اي شيء .. ( هاك : خذ )

جاسم : سوي لي رنّه وبحفظ الرقم عندي ..

خدّوي : اووكي آحسن شيء ..

جـاسم في نفسه يقول ( اللي ابيه صار .. الحمد لله .. وشوي شوي آوصل لخلود ) .. وهنا قد قال جاسم لخدّوي وهو يضحك ..

جاسم : خدّوي هذي شفيها طولت هههه .. شكلها كانت ضربه قوية خخخخخ

خدّوي : مدري عنها .. دلوعه حيييل .. خخخخخخخخ

جـاسم : الحمد لله ان ماصار شيء اكبر من هذا ولا كانت بتنهي عليّ خخخخخ

خدّوي : يوم ترابعنا في الكليّه بتعرف شخصيتها عدل ..

جاسم في نفسه يقول ( هذا المطلوب .. وانت يا بدر انتظرني بس عسبّت آقدّم لك هديّة حلـوه خخخ ) .. ( عسبّت : علشان )

وفي هذه الاثناء انتهت خلود من التعليمات التي اخذتها من الطبيبه وتوجّهت خارجه ومعها ورقه والتي بدورها ستسلّمها لنافذه الطلبات والمختصه بالادويه ..

خلود ترمس لخدّوي ولجاسم وتقول : تريّوني دقايق بسير اعطيهم الورقه عسبّت يعطوني الادويّه ..

خدّوي وجاسم معا ً : خذي راحتج خلود ..

خلود وهي عند النافذه : السلام عليكم اختي .. تفضّلي الورقة ..

الطبيبه : وعليكم السلام اختي .. سلامات ماتشوفين شر ان شاء الله .. دقايق واعطيج الادويّة اللازمه ..

خلود : الشر ماييج إن شاء الله .. اووكي بتريّاج ( بتريّاج : بنتظرج ) ..

وبعد دقيقة بالتمام والكمال .. آتت الطبيبه ومعها الادوية وهي تقول لخلود ..

الطبيبه : هذا البندول استعمليه بعد الغداء والعشاء ووقت الريوق .. بالاضافة هذا مرهم للاصابع وهذي خرقه بتلفّين آصابعج فيها .. بس قبل ما آنتهي .. سيري عند الاخت مريم .. غرفه رقم 2 وهي بدورها بتلف لج آصابعج ..

خلود : يزاج الله خير .. اوكيك بسير عندها ..

وفي هذه الاثناء ذهبت خلود للحديث مع خدّوي وجاسم وهي تقول ..

خلود : آنا بسير الحينه عند مريم غرفة رقم 2 عسبّت تلف لي يديني .. انتوا بتتريّوني هني ولا بتيووون ويايّه ؟

خدّوي : آكيد بيي ويّاج .. ( بيي : باجي )

جاسم : وانا بعد وبالمرّه نظهر من الباب .. ( نظهر : نطلع )

خلود : اووكي يلا ..

في هذه اللحظات قال جاسم لخلود وهو متعذّر لها ..

جاسم : آسف حيل خلود ماكان ودّي يصير اللي صار هذا اليوم ..

خلود : ما عليك جاسم .. ما يحتاج تزعل .. بس مره ثانيه انتبه خخخ

جاسم : اووكيك خلود .. المره الثانية بتكون في خدّوي خخخخخخخخخخ

خلود : آحسن شيء .. آريد اشوفها متعوره خخخخخخخخخخ

خدّوي : مالت عليج .. و آنا يالسه اتريّاج ويا جاسم .. وتقولين لي جي .. صـج نذله .. زين قولي لي شو قالوا لج ؟ ( جي : كذي )

خلود : ماشي .. بس عطوني بندول ويا مرهم والحينه بسير اعطيهم المرهم عسبّت يلفّون لي إصبوعاتي ..

خدّوي : اهاا .. زين زين اووكي ..

وفي هذه الاثناء وصل الثلاثي المرح للغرفه المقصوده ودخلت خلود فيما انتظر كل من خدّوي وجاسم بالخارج .. وهنا كان الحديث كالتالي بين الطبيبه مريم وبين خلود ..

خلود وهي تدق الباب : السلام عليكم دكتوره مريم ..

دكتوره مريم : وعليكم السلام اختي تفضلي حيّاج ..

خلود : هذي الورقة عطوني اياها وقالوا حقي اني اسير لغرفه رقم 2 .. تفضلي الورقه ..

دكتوره مريم : اشوف الورقة ..

بعد مضي 30 ثانية .. قالت الدكتوره مريم لخلود ..

دكتوره مريم : انتي متعوره في اصابعج .. زين اشوفها شوي ..

خلود : اوكيك .. وهذا المرهم معطيني اياه عسبّت تلفّين لي اصبوعاتي ..

دكتوره مريم : هيه اووكي .. زين عطيني اصابعج شوي والمرهم ..

بعد مضي 5 دقايق انتهت الدكتوره مريم من وضع المرهم لخلود وطيّها .. وقد قالت خلود ..

خلود : الحينه احسن من قبل .. يزاج الله خير ..

دكتوره : الحمد لله .. ولو واجبنا ..

وعند إنتهاء خلود من عند دكتوره مريم توجّهت الى الخارج وهي مودّعه الدكتوره على آمل آن لا تتكرر هذه الحادثه لها مرة ً آخرى .. وقالت خلود لجاسم وخدّوي ..

خلود : يلا الحمد لله خلصت .. خلونا نسير الحينه ونشرب لنا شيء .. يوعانه حدّي ..

خدّوي : من صجج انتي الحينه تبينا نسير نشرب شيء .. متفيجه وانا تعبانه حدّي ..

خلود : انتي اكيد ماتعورّتي مثلي .. ومن حقج تقولين جي ..

خدّوي : زين زين امري لله بنسير ..

خلود : هيه هذي خدّوي اللي احبها .. خخخخخ

خدّوي : هيه مال مصالح ..

جاسم : هههههههههههههههه شكو مصالح .. آنا عازمكم على مطعم لبناني .. بصراحه انا بعد ميّت يوووع ..

خدّوي : خخخخخخ حتى انت .. بس دامها بتيي منك العزيمه ماراح نردك .. هجوم ع المطعم خخخ

خلود : هـع .. هذا المطلوب .. آكيد الحساب بيكون عليك عيل علينا خخخخخخ

جاسم : عادي مافي مشاكل .. يلا هجوم مثل ماقالت خدّوي ههههههههه

التكمله بالعدد القادم بإذن الله ..
تريّونا حبايبي



اشهد ان لا اله الا الله واشهد ان محمد رسول الله لا اله الا انت سبحانك انى كنت من الظالمين اللهم ارزقنا حسن الخاتمه ولا تقبضنا الا وانت راض ٍ عنا وتقبل اعمالنا يا ارحم الراحمين ..

..



كُتب : [ 10-03-2009 - 02:27 AM ]
 رقم المشاركة : ( 10 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


راح اكملها قريب .. الحين جمعتها لكم مره وحده ..
كم واحد طالب بإعاده القصة .. فسويت اللي طلبوه ..



كُتب : [ 10-03-2009 - 02:42 AM ]
 رقم المشاركة : ( 11 )
الإداة العليا
مراقب عام المنتدى
مشرف المدرج الجنوبي
رقم العضوية : 5484
تاريخ التسجيل : May 2006
الدولة : Under The Bridge ..
العمر :
الجنس :  Male
النادي : غيـر محدد ..
مكان الإقامة : عالمــــــــــ الخاص ــــــــ R4E ــــــــي
عدد المشاركات : 18,262
عدد النقاط : 628298
قوة الترشيح : ABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبدABU GIN يملك عضوية الصفوه في شبكة روما إلى الأبد
الأوسمـة
بيانات الإتصال
آخر المواضيع
United Arab Emirates

ABU GIN غير متواجد حالياً

 

افتراضي رد: بـدر , خدّوي :: إلى آين ؟؟


سيتم وضـع الـموسم الثاني لقصة بـدر وخدّوي قريبا ً بإذن الله ..
الموسم الماضي بإمكاننا اعتبارته كموسم اول له إن شاء الله ..
حيث تم وضع 9 شابترات له .. القادم سيكون أفضل حيث
سيكون طابع الذكاء والاكشن حاضر فيها ..

ترقّبوا موسمنا القادم اعزائي ..





 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 05:33 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd.
Search Engine Optimization by vBSEO ©2011, Crawlability, Inc.
أغلب المواضيع والردود العامه لا الأخبار تمثل أصحابها ولا تمثل إدارة شبكة روما إلى الأبد
All Rights Reserved © 2001-2015 ROMA 4 EVER NETWORK