روما × إنتر .. هنا التجمعّات الخاصه لجماهير نادي روما !!

ABU GIN · كُتب : [ 02-11-2009 - 01:35 AM ]

السلام عليكم ورحمة الله وبركاته ..

شباب مثل ماتعرفون قبل فترة ليس بالقصيره .. كانت فيه تجمعات حلـوه بالشبكة .. يعني الشباب ينزلون موضوع وكل واحد يدق ع الثاني ويجلسون يشوفون المباراة .. طبعا ً التجمعات كانت اغلبها للمبارايات الكبيره .. مثل كأس إيطاليا اللي حصل وفاز فيه روما .. هذاك الوقت شفنا تجمع رهيب عجيب ما شاء الله من اهالي الرياض .. بالاضافة لا ننسى أهالي الشرقية بيضوها والله وماقصروا .. وماننسى أهالي الغربيه .. شفنا لهم تجمعّات جميلة جدا ً .. اللي اطلبه منكم .. ليه مثلا ً مانخلي هالاشياء ترجع من جديد .. منها الواحد يتعرف على الاعضاء ويشوف الوجوه الحلـوه .. ومنها تتسلون مع بعض .. وربك يمكن تلاقي ربعك هناك ..

عندنا مباراة روما × الانتر بتاريخ 8\11 أي يوم الاحد الجاي ..
ليه مثلا ً ماتعملون التجمع .. ومنها تسدحون لنا الصـور والنقاش اللي حصل هناك .. طبعا ً بيطلع حلـو اذا كان العدد ع الاقل فوق الـ10 .. والله نبي نفرح فيكم ياجماهيرنا .. بالرغم من النتائج السيئة اللي يمر فيها روما .. لـكن يمكن وتصدق معانا ومعاكم وتبدأ الانتصارات تبتدي من اليوم بعد الفوز الجميل على بولونيا ..

ها شو رأيكم ياشباب ؟ .. تتجمعون ؟ ..

نبي نسمع صوت الذيابه يهز المقاهي ..

الموضوع سيتم تثبيته لاهميته ..

بالاضافة سيتم تحديث الموضوع اذا وجدنا جديّه من قبل الشباب ..

الحين نحن فتحنا هالموضوع حق : روما × انتر .. التجمع للجميع !! ..

يعني : أهالي الرياض + الشرقيه + الغربيه ..

بعدها يتم الترتيب فيما بينكم .. اللي يبي يعرض رقم جواله ياريت ع الخاص ..

مايصير تكتب رقمك هنا .. إن شاء الله تتوفقون يارب ..

أفراح أهالي الرياض ,, الله يرحم أيام اول ..

أهـــــم شيء الصـور ولا بقفل هاه

IL CAPITANO · كُتب : [ 02-11-2009 - 01:38 AM ]

خطوة ممتازة يا زايد ..
كفو يا ذيابه عايزين تجمعات فله

البكله الصفره · كُتب : [ 02-11-2009 - 02:00 AM ]

والبنات مالهم نصيب

ABU GIN · كُتب : [ 02-11-2009 - 02:03 AM ]

^
^
اممم بكلـه تجمعات للبنات ما أنصح .. خلووووكم بالبيوت وتفجرون البيت باصواتكم احسن

المـهم نبي تفاعل ..

Ghalio · كُتب : [ 02-11-2009 - 02:03 AM ]

الذيبه · كُتب : [ 02-11-2009 - 02:04 AM ]

هههه
شكرا على الموضوع..
البنات التجمع في بيتنا...

ABU GIN · كُتب : [ 02-11-2009 - 02:04 AM ]

^
^
غالي ويـنك مختفي من زمان ؟ ..
اذا فيه تجمعات لكم .. ياريت نشوف حركه

منّور والله غالي

MЯ.Sz · كُتب : [ 02-11-2009 - 02:09 AM ]

انا مااعرف جمهور روما اللي بالرياض

لكن انا بسوي تجمع مع اليوفاويين طبعاً بيكونون بصف روما بعضهم بالمنتدى وبعضهم لا

عموماً بالتوفيق لروما

Totti fan · كُتب : [ 02-11-2009 - 02:09 AM ]

عوافي خيو على الموضوع
أهل الرياض , عندي استعداد تجمع
و حياكم الله بملحقي
ملحقي يشيل من 8 إلى 10 , إذا أكثر شفنا لنا قهوة

و بالتوفيق

D7ooM RoMα · كُتب : [ 02-11-2009 - 02:10 AM ]

بالتوفيق للجميع
والوعد مبارة لاتسيو ياجمااهير القصيم

هالمباره هذي مدري ليش احس بناكلها هزيمه وقويه بعد
ويكفي ان الكبيتانو مو لاعب

بالتوفيق للجميع .. فورزا رومانيستا ..

البكله الصفره · كُتب : [ 02-11-2009 - 02:13 AM ]

اقتباس:

المشاركة الأصلية كتبت بواسطة ABU GIN

خلووووكم بالبيوت وتفجرون البيت باصواتكم احسن

هههههههههههههههه

اقتباس:

المشاركة الأصلية كتبت بواسطة الذيبه

هههه
شكرا على الموضوع..
البنات التجمع في بيتنا...

ههههههههه

عندك استعداد ترسليلي طياره ع حسابك

ABU GIN · كُتب : [ 02-11-2009 - 02:14 AM ]

صلاح .. امـمـم إن شاء الله تلاقيه احد من الرياض
وتتجمعون .. أهم شيء اذا النيه حاضره صدقني بتروح

اخوي توتي فان .. أشكرك والله على سعة صدرك يالغالي ..
اممم والله شوف على حسب التجمّع .. اذا كثروا الشباب .. طبيعي تشوفون لكم قهوه ..

لـكن الاهم الحضور يكون راقي .. مانبي هواش وتكسير >>>>> مش بالملعب

الكنق توتي · كُتب : [ 02-11-2009 - 02:14 AM ]

فكرة حلوة يا زايد

بالتوفيق للجميع

الذيبه · كُتب : [ 02-11-2009 - 02:17 AM ]

ههههههههه

عندك استعداد ترسليلي طياره ع حسابك
[/CENTER][/QUOTE]

اممممممممممم..
افكر وارد لك خبر بشوف حسابي بالبنك كم فيه <<<تورطت
وش رايك انتي ترسلين لي طياره وانا اجيك..

الملكـ · كُتب : [ 02-11-2009 - 02:18 AM ]

لأهل الرياض وش رايكم في :

1- بلاك هاوس اللي عند التحليه

2- المقهى اللي في تقاطع التخصصي والعروبه

هذي المقاهي اللي اظمن انها تكون فاتحه لحين انتهاء المباراة ووصفها واضح